Википедија:Селска чешма

Вовед  · Почетен курс  · Помошна табела  · Превод на статија  · Вашата прва статија  · ЧПП  · Помош  · Начела и напатствија

Селска чешма (Village pump)  · Потребни статии  · Инкубатор  · Кандидати за избрана статија (Ревизија)  · ВикиПроекти  · Викисредби  · Facebook

Одржување  · Администратори  · Потреба од администраторско внимание  · Прашања за авторски права

Селска чешма на Википедија на македонски јазик Главно место за разговори, проблеми, прашања и одговори ↓ Кон содржината ↓       ↓ Кон разговорите ↓

Отворете нова тема или прашање Селска чешма За да оставите порака, стиснете на дадената врска подолу, но запомнете: При дискусиите останете смирени, учтиви и културни. Имајте на ум добронамерност; Вандализмот бргу се отстранува; Давајте описен наслов на вашиот нов коментар; На крајот од пораката потпишете се со четири тилди (Еве вака: ~~~~). Ова автоматски ќе го потпише Вашето корисничко име и датумот и времето кога е оставена пораката (се потпишуваме на страници за разговор, но не на статии). Стиснете тука за да почнете нов разговор За што да ја користите оваа страница? Оваа страница е наречена „селска чешма“ затоа што е место каде што читателите и уредувачите можат да се соберат и заедно да дискутираат за било што поврзано со Википедија. Ве охрабуваме да почнете нов разговор доколку сакате: Да добиете помош околу користењето на Википедија; Да добиете помош околу уредувањето на Википедија; Да дискутирате технички прашања, поврзани со погонот МедијаВики; Да ги дискутирате начелата и напатствијата; Да дадете јавни известување и новости; Да дадете предлози и сугестии; Да оставите конструктивна критика за проектот; Да поставите правописни и граматички прашања и ревизии; Да добиете помош со преводи на поими и имиња од странски јазици; Општо, за сè што е поврзано со Википедија и Википедијанците. Доколку сакате да дискутирате за некоја статија, ве молиме почнете ја дискусијата на разговорната страница на самата статија. Ако барате администраторско внимание (за вандализам на страници, кршење на начела, лични напади и непристојност, уредувачки војни, заштита на страници или други технички работи), поставете го барањето на Википедија:Огласна табла за администратори. Гласање за воведување новини Ако имате предлози за изменување или воведување начела и напатствија, воведување новини или постапување во врска со одделни прашања, на оваа страница може да започнете гласање за испитување на мислењето на заедницата. Гласањето се одвива така што секој може да остави свој глас {{за}} ( ), {{против}} ( ) или {{воздржан}} ( ), како и свое мислење преку {{коментар}} ( ), користејќи ги за сето ова соодветните шаблони. Во случај да се работи за предлог за избор на едно од повеќе предложени решенија, тогаш секој може да гласа за само еден предлог и притоа е неопходно да го образложи својот глас. Времетраењето на гласањето изнесува 7 дена. Право да учествуваат во дискусијата за предложениот предлог имаат сите корисници, додека право на глас имаат корисниците со сметка постара од 6 месеци и најмалку 500 уредувања во сите именски простори на Википедија на македонски јазик пред почетокот на гласањето. Одлуката за прифаќање на предлогот се носи со примена на просто мнозинство, односно бројот на гласови „За“ е потребно да биде најмалку половина од вкупниот број на дадени гласови, и доколку вкупниот број на гласови „За“ изнесува најмалку пет. Do not speak Macedonian? If you are willing to post comments but you do not speak Macedonian, you are welcome to do it on the Village Pump for foreign languages (please visit the Macedonian Wikipedia Embassy to check the language abilities of the community members before choosing the language to post in). Please do not post comments in foreign languages on this page, as it is intended for comments and discussions in Macedonian only. All comments that are posted on this page in a language other than Macedonian will be immediately moved to the Village Pump for foreign languages. Архива на минати разговори 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 Други архиви

Менување на опслужувач — Наскоро вашето вики ќе може само да се чита

Прочитајте ја поракава на друг јазик • Помогнете со преводот на вашиот јазик

Фондацијата Викимедија ќе го префрли прометот од еден на друг податочен центар. Ова ќе осигура непречена работа на Википедија и другите Викимедиини викија, дури и ако се случи катастрофа.

Целиот промет ќе биде префрлен на 28 октомври 2026. Префрлањето ќе почне во 15:00 UTC.

За жал, поради некои ограничувања во МедијаВики, сето уредување мора да престане додека се врши префрлањето. Се извинуваме за овој прекин и се трудиме да го намалиме во иднина.

На сите викија ќе биде прикажан разглас 30 минути пред ова да се случи. Овој разглас ќе остане видлив сè додека не заврши постапката. Можете да учествувате во преводот и коректурата на текстот на овој разглас.

За кратко ќе можете да читате, но не и да уредувате. Ова ќе важи за сите викија.

• На 28 октомври 2026 нема да можете да уредувате највеќе до еден час.
• Ако пробате да уредувате или зачувате во текот на ова време, ќе ви се појави порака за грешка. Се надеваме дека во периодот на тие минути нема да има изгубени уредувања, но тоа не можеме да го гарантираме. Ако видите порака за грешка, почекајте додека нештата не се вратат во нормала. Тогаш ќе можете да го зачувате вашето уредување. Но, за секој случај, ви препорачуваме најпрвин да направите копија на промените што сте ги направиле.

Други ефекти:

• Позадинските работи ќе бидат побавни, а некои може да бидат напуштени. Црвените врски може побавно да се подновуваат. Ако создадете статија до која веќе води некоја врска, врската ќе стои црвена подолго од вообичаено. Некои долгоработечки скрипти ќе мора да се запрат.
• Спроведувањето на нов код се очекува да се одвива како во секоја друга недела. Меѓутоа, на места може да се случат некои замрзнувања на кодот ако тие потоа бидат потребни за дадената операција.
• GitLab ќе биде недостапен 90 минути.

Овој проект може да се осложи, ако е неопходно. Можете да го погледате распоредот на wikitech.wikimedia.org. Сите промени ќе бидат соопштени во распоредот.

Споделете ги овие информации со вашата заедница.

Trizek_(WMF) 15:01, 26 октомври 2026 (CET)

Предлог за создавање страница за дискусија за страници поврзани со политиката на значајност

Здраво,

Изминатиот период заедницата ги донесе политиките за значајност, поради што мислам дека сега треба да воведеме посебна страница каде би ги дискутирале веќе создадените или можните идни нови статии поврзани со оваа област. На таа страница, според мене би можело да се дискутира неколку дена (3-4 на пример) за одредена статија и подоцна да се гласа по предлогот за зачувување или бришење на статијата. На овој начин тие дискусии не би се вршеле на главната страница на Селската чешма, туку на специјализирана страница и би се водела некоја историја исто така. Правилата за гласање би можеле да бидат слични на јубилејната статија или да ги измениме, но оставам најпрвин да дискутираме во следните неколку дена. Поздрав --Ehrlich91 (разговор) 18:31, 27 октомври 2026 (CET)

  - Се сложувам со предлогот. Jtasevski123 (разговор) 18:43, 27 октомври 2026 (CET)

  - Јас мислам дека порано имавме таква страница, одамна не ја користиме. Исто така сметам дека постојат новосоздадени статии кои воопшто не се енциклопедиски, па би сакала да биде јасно дека ќе има статии кои веднаш ќе се бришат без дискусија и гласање. Поздрав - Виолетова (разговор) 19:21, 27 октомври 2026 (CET)

@Виолетова Ако ја најдеш таа страница, слободно додај ја тука, па може само да ја обновиме, бидејќи јас не се сеќавам на такво нешто. --Ehrlich91 (разговор) 19:33, 27 октомври 2026 (CET)

Мислев ќе ми треба време да ја најдам, ама еве ја - Википедија:Статии за бришење. -Виолетова (разговор) 19:37, 27 октомври 2026 (CET)

Предлог за општо уредувачко напатствие за историската употреба на поимот „македонски Бугари“

По предлог на Ehrlich91, отворам посебна дискусија со конкретни извори и предлог за разгледување од страна на заедницата.

Целта не е со гласање да утврдуваме национална припадност на историски личности. Предлагам да се договориме како енциклопедиски да постапуваме кога определен историски поим е документиран во изворите, но неговото значење и толкување се предмет на историографски спор.

Извори

1. Македонска академија на науките и уметностите

Македонска енциклопедија, том I, главен и одговорен редактор Блаже Ристовски, Скопје: МАНУ, 2009, одредница „Бугарското име во Македонија“.

Во одредницата изречно се употребува поимот „македонски Бугари“, при што неговата употреба се разгледува критички, во контекст на бугарската национална и државна политика. Овој извор е значаен затоа што покажува дека поимот е предмет на обработка и во македонската академска енциклопедиска литература, без тоа да значи дека енциклопедијата ја прифаќа бугарската национална интерпретација.

Одредницата во електронски препис

2. Проф. д-р Марија Пандевска

Во авторскиот текст „Како говореше Гоце!“, објавен во 2023 година, историчарката Марија Пандевска од Институтот за национална историја во Скопје го наведува терминот „Македонски Бугари“ како пример за историска форма на внатрешно именување, во рамките на пошироката расправа за именувањата и самоименувањата во османлиска Македонија.

Авторката притоа упатува на својот рецензиран научен труд:

Maria Pandevska, „The term ‘Macedonian(s)’ in Ottoman Macedonia: on the map and in the mind“, Nationalities Papers, 40(5), 2012, стр. 747–766, DOI: 10.1080/00905992.2012.705265.

Авторски текст · Научен труд

3. Д-р Ирена Авировиќ Бундалевска

Македонската емиграција во Соединетите Американски Држави меѓу двете светски војни, Филозофски факултет, Скопје, 2024, ISBN 978-608-238-245-6.

На стр. 160 и 176 авторката го употребува и анализира поимот „македонски Бугари“ во контекст на Македонската политичка организација и нејзиното разбирање на националната припадност. Притоа се разграничува историската терминологија на организацијата од подоцнежните толкувања на националниот идентитет.

Изданието во репозиториумот на УКИМ

Предлог за начело

Предлагам заедницата да го разгледа следново уредувачко напатствие:

„Историски засведочените национални, регионални, верски и политички определби, вклучително и поимот ‘македонски Бугари’, може да се употребуваат во енциклопедиски статии кога нивната употреба е релевантна за предметот и е поткрепена со веродостојни извори. Нивното значење треба да се претставува во соодветниот историски контекст, со јасно припишување на авторот или изворот кога постојат различни толкувања. Самото присуство на поимот во историските извори не претставува доволен основ тој автоматски да се примени како национална определба на која било историска личност.“

Ова би значело дека:

• поимот не се отфрла однапред како „псевдоисториски“ само поради неговата национална конотација;
• неговото постоење во изворите не се изедначува со прифаќање на определена национална историографска теза;
• регионалната припадност, националното самоопределување, верската припадност и политичката програма се разграничуваат;
• употребата во конкретна биографија се оценува според документите и релевантната секундарна литература за таа личност;
• поимот не се внесува автоматски во воведот, инфокутијата или категориите;
• значајните спротивставени историографски толкувања се претставуваат правично и пропорционално.

Прашање до заедницата

Дали заедницата го прифаќа предложеното начело како општо уредувачко напатствие за историската терминологија?

Предлагам најпрво да се разгледаат забелешките и евентуалните подобрувања на формулацијата, а потоа, доколку е потребно, да се спроведе гласање според правилата за гласање.

Не предлагам оваа дискусија да ги замени расправите за Гоце Делчев, Тодор Александров или Александар Протогеров. Напротив, целта е да се разјасни општиот уредувачки пристап, додека секоја биографија и понатаму ќе се оценува според нејзините сопствени извори.

Ги поканувам уредниците да дадат мислење, да предложат дополнителни академски извори и, доколку не се согласуваат со некој дел, да наведат конкретна алтернативна формулација. --Dobri.kovachev (разговор) 00:40, 29 октомври 2026 (CET)

Јас навистина не разбирам за што е предлогов и каде би стоил и за што би се користел. Ова повеќе ми личи расправа за некаква посебна статија за овој термин, отколку нешто што би се користело нашироко. Која е поентата да имаме вакво нешто? --Ehrlich91 (разговор) 10:25, 29 октомври 2026 (CET)

Ако не го применуваме во биографии, како национална определба на која било историска личност, како што се вели во дефинираниот предлог за начело, нема потреба ни да го гласаме ова нешто. -Виолетова (разговор) 13:37, 29 октомври 2026 (CET)

Населението на Лешок

Добар ден на сите,

Покренувам разговор во врска со демографските податоци наведени во статијата за село Лешок, Општина Теарце, а кои се однесуваат на Пописот од 2021 година.

Според официјалната публикација на Државниот завод за статистика, во селото се евидентирани 696 жители, од кои 381 Македонец и 280 Албанци. Меѓутоа, разгледувајќи ги релевантните етнографски и ономастички студии за областа Подгор (како што се истражувањата за топонимијата и етничката структура во Полог), селото Лешок историски и традиционално е населено место со исклучително македонско население, за разлика од соседните населени места.

Разликата меѓу официјалните пописни податоци и традиционалниот етнички состав на теренот произлегува од специфичноста на пописните кругови од 2021 година, каде одредени опфати граничат или се преклопуваат со атарските и катастарските граници на соседното село Слатино.

Согласно правилата Википедија:Неутрална гледна точка и Википедија:Проверливост, предлагам официјалната табела од ДЗС да се задржи како примарен статистички показател, но во текстот на статијата да се додаде соодветно објаснување поддржано со академиски извори:

„Според Пописот од 2021 година, во селото се евидентирани 280 жители кои се изјасниле како Албанци. Во демографските и онмастичките проучувања за Подгор се истакнува дека оваа бројка се должи на специфичната опфатеност на пописните кругови и катастарските меѓи кои граничат со соседното село Слатино, додека самото село Лешок низ историјата и до денешен ден се одликува со доминантно македонски етнички состав.“

Ве молам за ваше мислење и консензус со цел дополнување на статијата согласно високите стандарди за проверливост Инквизитор771 (разговор) 15:55, 29 октомври 2026 (CET)

@Инквизитор771 Здраво, пописот се врши врз основа на катастарските општини, поради што се јавува и проблеми во однос на реалното население, поради што етапни спроведувам и додавам измени во инфокутиите по селата каде има вакви разлики, пример битолското село Крстоар. Се согласувам со тебе дека во примери за етнички села треба да има вакви дообјаснувања, но не можеме да ги бришеме и менуваме официјалните податоци, како што направи на статијата претходно. Но, вакво објаснување е добро да го имаме. --Ehrlich91 (разговор) 16:19, 29 октомври 2026 (CET)

но не значи ако нешто предлагам дека тоа мора да се направи, сакам да го знам вашето мислење, и како да најдеме заеднички консензус за овој проблем. Инквизитор771 (разговор) 16:19, 29 октомври 2026 (CET)

Јас не сум многу корисна во оваа дискусија, дека со пописите не сум во тек. Поздрав - Виолетова (разговор) 16:34, 29 октомври 2026 (CET)

Пописите во 2021 година од секогаш биле оспорени, имаме и статија посветена кон таа тема. Не помага тоа што ВМРО-ДПМНЕ и други опозициски партии бојкотирале. Јас мислам дека подобро би било да има некаква фуснота или забелешка дека резултатите се оспорени. Слично како што има во статијата Општина Аеродром. Поздрав. Ѓорѓи (разговор) 17:34, 29 октомври 2026 (CET)

@Gurther Пописот го имаме разгледувано на Википедија (повеќе тука) за делот за лица додадени од административни извори и религиски искажувања. Проблемот тука е поради катастарската општина, бидејќи пописот се спроведува преку тие општини и иако самото село можеби нема други етнички припадности, во самата општина (атарот) може да има, што е реална појава поради близината на соседното Слатино. Вакви примери сепак се многу малку, но може да се стави објаснување. --Ehrlich91 (разговор) 13:03, 30 октомври 2026 (CET)

Според овој извор селото Лешок се во последните години проширува каде се градат нови куќи - викендички. Можеби тоа работат Албанци од Слатино. Марко Митровиќ Сугарски (разговор) 17:56, 29 октомври 2026 (CET)

Мислам дека е најдобра идеа населението да го среди @Ehrlich91 според примерот што го кажа за битолското село Крстоар, но и исто така ја подржувам идејата на @Gurther за додавање на фуснота или забелешка дека резултатите се оспорени. Инквизитор771 (разговор) 18:51, 30 октомври 2026 (CET)

???? Инквизитор771 (разговор) 20:25, 3 ноември 2026 (CET)

Сум согласен со тебе. Marco Mitrovich (разговор) 21:31, 3 ноември 2026 (CET)

Одобрување на статијата „Ангел Нанчевски“

Здраво, Ја создадов статијава за мојот дедо со цел да го зачувам неговото богато творештво со Народниот оркестар на Радио Скопје.

Бидејќи статијата сè уште стои со ознака „Непроверена“, би ве замолил некој од активните патролери или администратори да ја прегледа и да ја одобри како официјална верзија. Внесени се релевантни извори од МРТ, Discogs, и други.

Еве ја страната Ангел Нанчевски

A.NancevskiJr (разговор) 22:50, 31 октомври 2026 (CET)

@A.NancevskiJr Здраво, статијата ја средив и ја одобрив. Поздрав --Ehrlich91 (разговор) 16:20, 1 ноември 2026 (CET)

Благодарам A.NancevskiJr (разговор) 20:57, 1 ноември 2026 (CET)

Вонредни избори во Брвеница, Гостивар, Маврово и Ростуша, Центар Жупа и Врапчиште

Вчера се одржале вонредни избори за градоначалник во Општина Гостивар, Општина Маврово и Ростуша, Општина Центар Жупа и Општина Врапчиште. Истовремено биле одржани втор круг на избори за градоначалник во Општина Брвеница по повод на смртта на Јовица Илиевски од ВМРО-ДПМНЕ. Не сум сигурен дали да направиме нова статија за овие вонредни избори или да ги додадиме како поглавје во статијата Локални избори во Македонија (2025)? Ѓорѓи (разговор) 10:26, 2 ноември 2026 (CET)

@Gurther Досега никогаш не сме правеле посебни статии за вакви вонредни локални избори. --Ehrlich91 (разговор) 20:53, 2 ноември 2026 (CET)

Ehrlich91 Тогаш како да ги вметнам овие податоци во Локални избори во Македонија (2025)? Дали да додадам фуснота или да ја обновам табелата со најновите новости од ДИК? Ѓорѓи (разговор) 17:57, 3 ноември 2026 (CET)

@Gurther Во нова точка наречена Вонредни избори и таму може да се стават сите овие избори, додека за табелите, може да се стават фусноти за промената, која би водела до точката Вонредни избори или би се објаснила промената. --Ehrlich91 (разговор) 18:21, 3 ноември 2026 (CET)