Д

Д, д (de) je bukva kirilice. V medžuslovjanskoj kiriličnoj azbukě ona zajmaje peto město, poslě г i prěd dvuznakom дж. Standardno ona označaje zvučny zubny ili alveolarny eksplosiv – [d̪] ili [d]. V někojih jezykah, napr. v russkom, makedonskom i bulgarskom, izgovor na koncu slova je bezzvučny – [t]. Prěd palatalizujučeju samoglaskoju izgovarjaje se kako [dʲ] v russkom i bulgarskom, kako [ɟ] v ukrajinskom.

Ona izvedla se iz grečskoj bukvy delta (Δ δ), proizhodečej iz feničskoj bukvy dalet (𐤃). V staroslovjanskoj azbukě ona nazyvala se добро́ «dobro» i pod titlom iměla čislno značenje «4».

Prvopočetna forma bukvy д byla trikutna kako delta (), ale s «nožkami», pozajetymi od jejnoj formy v bizantinskom uncialu. Suča forma, ktora je bolje kvadratna, pojavila se prvy raz v 19. stolětju. Rukopisna forma velikoj bukvy je shodny latinskoj velikoj bukvě D, rukopisna forma maloj bukvy latinskoj bukvě g. V Srbiji i Makedoniji rukopisna velika bukva bolje pripominaje čislo 2:

Ručno napisane formy

Kodovan‌je

Kodovan‌je		Д	д
Nazva v Unikodu		CYRILLIC CAPITAL LETTER DE	CYRILLIC SMALL LETTER DE
Unikod	šestnadseterična sistema	U+0414	U+0434
	deseterična sistema	1044	1076
HTML	šestnadseterična sistema	Д	д
	deseterična sistema	Д	д
	alfabetična sistema	Д	д
UTF-8		D0 94	D0 B4

Vněšnje linky

• "U+0414 Cyrillic Capital Letter De". codepoints.net (na anglijskom).
• "U+0434 Cyrillic Small Letter De". codepoints.net (na anglijskom).