Linda Martin
| Linda Martin | |
|---|---|
.jpg) | |
| Tavalludi |
1952-yil 27-mart[1] Belfast, Shimoliy Irlandiya |
| Fuqaroligi | Birlashgan Qirollik va Irlandiya |
| Faoliyat yillari | 1969– yildan hozirgacha |
Linda Martin (1952-yil 27-martda tugʻilgan) — Shimoliy Irlandiyalik xonanda va teleboshlovchi[1]. Linda Martin 1992-yilgi Eurovision qoʻshiq tanlovida Irlandiya sharafini „Why Me?“ qoʻshigʻi bilan himoya qilib, gʻolib boʻlgani bilan tanilgan. Bu Irlandiyaning tanlovdagi rekord darajadagi ketma-ket uchta gʻalabasining birinchisi edi. Shuningdek, u Irlandiyada Chips guruhi aʼzosi sifatida ham mashhur[2].
Hayoti va oilasi
[tahrir | manbasini tahrirlash]Martin 1952-yilda Belfast shahrida tugʻilgan boʻlib, uning kelib chiqishi irland, shotland va italyan ildizlariga borib taqaladi[3]. Otasining oilaviy familiyasi asli Martini boʻlgan. Uning katta bobosi Francis Martini Dublin shahrida tugʻilgan boʻlib, uning ota-onasi Italiyaning Milan shimolidagi Saronno shahridan koʻchib kelgan immigrantlar edi. Martinning ona tomondan boʻlgan katta bobosi va katta buvisi — William Green va Elizabeth Nangle konchilar oilasidan boʻlishgan. Ular Shotlandiyaning Larkhall shahridan Belfastga koʻchib oʻtishgan[4].
Karyerasi
[tahrir | manbasini tahrirlash]Chips
[tahrir | manbasini tahrirlash]Martin musiqiy faoliyatini 1969-yilda, Omagh shahrida Chips guruhi tarkibiga qoʻshilishdan boshlagan. Koʻp oʻtmay, ushbu jamoa jonli ijro chiqishlari boʻyicha Irlandiyaning eng yetakchi guruhlaridan biriga aylandi va 1970-yillarning oʻrtalari hamda oxirlarida xitga aylangan „Love Matters“, „Twice a Week“ va „Goodbye Goodbye“ singllarini taqdim etdi[5]. 1972-yilda Martin yangi tashkil etilgan Lyttle People guruhida vokalchi sifatida faoliyat yuritish uchun Chips tarkibidan chiqadi, biroq kelgusi yiliyoq yana oʻzining sobiq guruhdoshlari safiga qaytadi[2].
Guruh 1974-yilda Opportunity Knocks koʻrsatuvida chiqish qiladi va oʻz singllarini targʻib qilish maqsadida Britaniya televideniyesida bir necha bor namoyon boʻladi, biroq Buyuk Britaniya xit-paradlarida muvaffaqiyatga erisha olmaydi[2]. Guruh Eurovision qoʻshiq tanlovining Irlandiya milliy saralash bosqichlarida bir necha bor ishtirok etib, oʻz faoliyatini 1980-yillarda ham davom ettirdi. Guruh 1982-yilda „David’s Song (Whoʻll Come With Me)“ taronasi bilan Irlandiya xit-paradlaridagi soʻnggi muvaffaqiyatini qayd etdi. Shundan soʻng, 1983-yilda Linda Martin „Edge of the Universe“ qoʻshigʻi bilan Castlebar Song Contest tanlovida gʻolib chiqqach, guruhni tark etdi.
Eurovision qoʻshiq tanlovi
[tahrir | manbasini tahrirlash]U Chips guruhi tarkibida National Song Contest tanlovida toʻrt marotaba ishtirok etadi, biroq guruh biror marta ham gʻoliblikni qoʻlga kirita olmaydi. U yakkaxon xonanda sifatida ushbu tanlovda yana toʻrt bor, shuning munosabati bilan „Linda Martin and Friends“ guruhi tarkibida esa yana bir marotaba ishtirok etadi[6]. U toʻqqiz marta ishtirok etgani sababli, National Song Contest tarixida eng koʻp ishtirok etgan xonandaga aylandi. U ushbu tanlovda ikki marta gʻalaba qozongan va natijada Eurovision qoʻshiq tanlovida ham Irlandiya nomidan ikki bor ishtirok etgan.
Ushbu gʻalabalarning birinchisi 1984-yilda, Johnny Logan (haqiqiy ismi Séan Sherrard) tomonidan yozilgan „Terminal 3“ qoʻshigʻi bilan qoʻlga kiritilgan. Ushbu tarona yakuniy bosqichda gʻolibdan sakkiz ochkoga ortda qolib, ikkinchi oʻrinni egalladi. „Terminal 3“ taronasi Irlandiya xit-paradlarida 7-oʻringacha koʻtarildi[7]. Ikkinchi gʻalaba 1992-yilda qoʻlga kiritilgan. Oʻsha yili uning Johnny Logan tomonidan yozilgan Why Me? Qoʻshigʻi Shvetsiyada oʻtkazilgan final bosqichida gʻoliblikni qoʻlga kiritgan. Bu Irlandiyaning Eurovision qoʻshiq tanlovidagi toʻrtinchi gʻalabasiga aylandi. Ushbu tarona Irlandiya xit-paradlarida 1-oʻringacha koʻtarildi, shuningdek, koʻplab Yevropa mamlakatlarida ham xitga aylandi[7].
Oʻsha vaqtda Martin Eurovision tanlovida ham birinchi, ham ikkinchi oʻrinni egallay olgan tarixdagi uchta ijrokordan biri edi va bu koʻrsatkich boʻyicha faqat Lys Assia hamda Gigliola Cinquettidan keyin turardi. Keyinchalik ushbu natijani faqat Elisabeth Andreassen va Dima Bilan takrorlashga muvaffaq boʻldi va bu koʻrsatkichga erishgan ijrokorlar soni besh nafarga yetdi. Martin ushbu uch ijrokor ichida birinchi urinishda ikkinchi oʻrinni, keyingi safar esa birinchi oʻrinni egallagan dastlabki sanʼatkor edi va keyinchalik bu natijani faqat Bilan takrorlay oldi[8].
Diskografiyasi
[tahrir | manbasini tahrirlash]Chips bilan birga ijro etilgan singllar
[tahrir | manbasini tahrirlash]| Sana | Singl[2] | Irlandiya xit-paradi [5] |
|---|---|---|
| 1971 | "Today I Killed a Man" | - |
| „Sock It to 'Em Sister Nell“ | - | |
| 1973 | „Open Your Eyes“ | - |
| 1974 | „King Kong“(Lily va Chips)[9] | - |
| „My World“ | - | |
| 1975 | „Love Matters“ | 6 |
| „Twice a Week“ | 13 | |
| 1976 | „I’m a Song (Sing Me)“ | - |
| 1977 | „Shine a Light“ | - |
| „Goodbye Goodbye“ | 2 | |
| 1978 | „Here in My Arms“ (or „Itʼs Over“) | - |
| „The Sooner The Better“ | - | |
| 1980 | „Automobile“ | - |
| 1981 | „New Romance (Itʼs a Mystery)“ | - |
| 1982 | „David's Song (Who'll Come With Me)“ | 13 |
| „Hi-Lowe“ | - |
Yakkaxon singllar
[tahrir | manbasini tahrirlash]| Sana | Singl | Leybl | Irlandiya xit-paradi [10] |
|---|---|---|---|
| 1983 | „Edge of the Universe“ | Lunar | 20 |
| 1984 | "Terminal 3" | CBS | 7 |
| „Body Works“ | 19 | ||
| 1987 | „Miles of Eyes“ | Mystery records | - |
| 1988 | „Liffey Tinker“ | Plaza | - |
| „Hiding from Love“ | EMI | 22 | |
| 1989 | „Impossible to Do“ | Plaza | - |
| 1990 | „Where the Boys Are“ | K-Tel | 19 |
| 1991 | „Did You Ever?“ (Mick McCarthy bilan) | 15 | |
| 1992 | „Why Me?“ | Columbia | 1 |
| 2016 | „Why Me? Remixed“ | Energise | - |
| 2017 | „Wonʼt Stop“ | Powerworld Music | - |
Manbalar
[tahrir | manbasini tahrirlash]- 1 2 Sources seem to vary on Martinʼs date of birth. On 14 April 2019, the Sunday Independent stated that Martin was 72. On 21 April 2019, the Sunday Independent writer noted that Martin had „contacted us to say she was actually 67 on March 27“ (Wayback Machine saytida 24 April 2019 sanasida arxivlangan)
- 1 2 3 4 Chips (Wayback Machine saytida 18 February 2021 sanasida arxivlangan) m irish-showbands.com; accessed 14 October 2016.
- ↑ „Linda Martin 'bombarded with memories' on return home“. rte.ie. RTÉ (2021-yil 18-aprel). Qaraldi: 2022-yil 23-sentyabr.
- ↑ „Who do you think you are?“ (Wayback Machine saytida 3 March 2015 sanasida arxivlangan), rte.ie; accessed 14 October 2016.
- 1 2 „Irish Charts – Search – Chips“. 2024-yil 14-martda asl nusxadan arxivlangan. Qaraldi: 2024-yil 14-mart.
- ↑ „National song contests – Ireland“. 2010-yil 13-aprelda asl nusxadan arxivlangan. Qaraldi: 2010-yil 7-avgust.
- 1 2 Irish Eurovision songs in the Charts — Linda Martin (Wayback Machine saytida 2 June 2010 sanasida arxivlangan), allkindsofeverything.ie; accessed 14 October 2016.
- ↑ OʻConnor, John Kennedy. The Eurovision Song Contest — The Official History. Carlton Books 2007. ISBN 978-1-84442-994-3
- ↑ Barclay Records #62003 (France)
- ↑ „Irish Charts – Search – Artist – Linda Martin“. irishcharts.ie. 2024-yil 14-martda asl nusxadan arxivlangan. Qaraldi: 2024-yil 14-mart.
- ↑ Roberts, David. British Hit Singles & Albums, 19th, London: Guinness World Records Limited, 2006 — 352-bet. ISBN 1-904994-10-5.
- ↑ „Dutch Charts "Why Me?"“. 2012-yil 2-noyabrda asl nusxadan arxivlangan. Qaraldi: 2010-yil 28-noyabr.
