Interglossa

Jezyk

Interglossa

Obča informacija
Stvoritelj	Lancelot Hogben
Data stvorjenja	1943
Celj	medžunarodny pomoćny język
Jezyčne kody
ISO 639-3	igs

Interglossa (bukvalno: «medžu + jezyk») je umětny jezyk, izrabotany biologom Lancelotom HogbenomЛанселотом Хогбеном podčas Vtoroj světovoj vojny kako proba iztvorjen‌ja medžunarodnogo pomočnogo jezyka na osnově medžunarodnogo leksikona nauky i tehnologije, prěvažno grečskogo i latinskogo proizhodžen‌ja, s čisto izolujučeju gramatikoju. Interglossa byla publikovana v 1943 kako samo skica pomočnogo jezyka. S priměnjen‌jem semantičnyh principov Hogben sostavil redukovany slovnik něčto vyše 880 slov, čto može byti dostatočno za za osnovne razgovory medžu narodami različnoj narodnosti.

Potomok Interglossy je glosa (1970–), ktora je razširila i izměnila slova jezyka.

Historija

V 1943 Hogben publikoval Interglossa: A draft of an auxiliary for a democratic world order. Kako profesor Hogben uviděl, kako težko je bylo studentam zapametati biologične terminy, ibo oni slabo znali etimologiju i klasične jezyky. Zato je počel jim pokazyvati medžunarodne grečske i latinske korenje tyh terminov, da by one ukrěpili se v jihnoj pameti. Počel je sostavjati slovnik, a pozdněje, v času Drugoj světovoj vojny v Birminghamu, razrabotal je sintaktične směrnice. Takym sposobom on dovršil skicu novogo pomočnogo jezyka osnovanogo na leksikonu modernoj nauky:

Zato že prirodna nauka je jedina istnujuča forma medžuljudskoj kooperacije na planetarnoj skalě, ljudi nauky, ktori za potrěbne informacije sut zavisni od žurnalov publikovanyh na mnogyh jezykah, imajut polnu svědomost, že jezyčny babelj je spoločny problem prvoj veličiny. Ljudi nauky, vyše od drugyh, imajut na svojih prstah medžunarodny slovnik, ktory uže istnuje (...)

Nakonec Hogben ubědil se, že taky pomočny jezyk je potrěbnějši neželi kogdakoli, i rěšil, že go publikuje, podčrkajuči, že je samo skica:

Dobry razlog za publikovan‌je ovoj skice je to, že poslěvojenny svět je gotovy kako nikogda raněje na priznan‌je potrěby remedije, uže poiskyvanoj mnogymi drugymi. Kogda ta potrěba stane jasna, bude odnositeljno prosto za medžunarodny komitet (...). (...) avtor skromno prědavaje ovu prvu skicu v naději, že čitatelji budut prědlagati sugestije i konstruktivnu kritiku kako osnovu za něčto lěpše. Tuto ne je učebnik za početkujučih.

Interglossu možno je uvažati skiceju svojego potomka, pomočnogo jezyka glosa, ktory čestično izměnil i razširil leksikon interglossy.

Alfabet i izgovor

Interglossa piše se latinskym alfabetom, koristajuči 26 bukv osnovnogo latinskogo alfabeta bez diakritičnyh znakov. Večinstvo bukv izgovarjaje se shodno simbolom medžunarodnogo fonetičnogo alfabeta, s slědujučimi izključen‌jami:

y izgovarjaje se kako i.

c i q izgovarjajut se kako k.

ph, th, ch, rh izgovarjajut se kako f, t, k, r.

Na početku slova x izgovarjaje se kako z, na drugyh pozicijah kako ks.

V slědujučih kombinacijah suglasok na početku slov prvy element je němy: ct-, gn-, mn-, pn-, ps-, pt-.

Udarjen‌je je obyčno na prědposlědnjej silabě, napr. billeta (bilet), nesia (ostrov). Ako slovo končaje se na dvě samoglasky (-io, -ia, itd.), one mogut zvučati kako diftong. Ale sam Hogben prědpočitaje hiatus, argumentujuči, že udarjen‌je v nesia je na tretjej silabě od konca (drugymi slovami: nE-si-a, ne *nE-sia).

Leksikon

Za razliku od drugyh pomočnyh jezykov Hogbenova interglossa naklanja se do pozajman‌ja medžunarodnyh slov iz grečskogo s obzirom na intensivnu infiltraciju grečskyh korenjev v vsakodnevnom žitju, proizhodečih od modernoj nauky i tehnologije. Na priklad: mikroba, mikrofon, telefon, itd. Tym ne menje velika čest leksikona je latinskogo proizhodžen‌ja. Sama nazva jezyka Inter-glossa je sostavjena iz latinskogo inter i grečskogo glossa. Poněkogda Hogben kolěba se medžu grečskym i latinskym, prědlagajuči pary ravnoznačnyh sinonimov (napr. hypo i infra, soma i corpora), da by pozdněje někaky medžunarodny komitet izbral medžu njimi.

V 1943 Hogben oglasil, že prigotovi dodatočny tom, A short English-Interglossa Dictionary, ale izgleda na to, že nikogda ne došlo k jegovoj publikaciji. Rukopis nahodi se srěd Hogbenovymi papirami v Universitetu Birminghama i byl uměščeny na internetu v 2014. V slovniku Hogben davaje čislovany spisok 880 slov s etimologičnymi ključami. Někoje elementy (ok. 100) sut pary sinonimov, napr. dirigo / controlo. Hogben takože davaje dodatočny spisok 74 medžunarodnyh slov, tako že istinny razměr leksikona je 954. Nakonec, Hogben prědstavja alfabetičny spisok, ktory na žalost sodrživaje mnogo grěšek v čislah. Silaby v pogrubjenom fontu sut «generične imenniky» koristane v složenyh slovah.

Priměrny tekst

Slěduje Otče naš, na jezyku interglossa: U Petitio de Christi

Interglossa:	Grečsky:	Prěvod:
Na Parenta in Urani: Na dicte volo; tu Nomino gene revero; plus tu Crati habe accido; plus u Demo acte harmono tu Tendo epi Geo homo in Urani; Na dicte petitio: Tu date plu di Pani a Na; plus Tu acte pardo plu malo Acte de Na; metro Na acte pardo Mu; Su acte malo de Na. Peti Tu non acte dirigo Na a plu malo Offero; Hetero, Tu date libero Na apo Malo. Causo Tu tene u Crati plus u Dyno plus un eu Famo pan Tem. Amen.	Πάτερ ημών ο εν τοις ουρανοίς, αγιασθήτω το όνομά Σου, ελθέτω η Βασιλεία σου, γενηθήτω το θέλημά σου ως εν ουρανώ και επί της γης. Τον άρτον ημών τον επιούσιον δος ημίν σήμερον, και άφες ημίν τα οφειλήματα ημών, ως και ημείς αφίεμεν τοις οφειλέταις ημών. Και μη εισενέγκης ημάς εις πειρασμόν, αλλά ρύσαι ημάς από του πονηρού. Ότι σου εστί η βασιλεία και η δύναμις και η δόξα εις τους αιώνας. Αμήν.	Otče naš, ktory jesi v nebesah, nehaj sveti se ime Tvoje. Nehaj prijde kraljevstvo Tvoje, nehaj bude volja Tvoja, kako v nebu tako i na zemji. Hlěb naš vsakodenny daj nam dnes, i odpusti nam naše grěhy, tako kako my odpuščajemo našim grěšnikam. I ne vvedi nas v pokušeńje, ale izbavi nas od zlogo. Ibo Tvoje jest kraljevstvo i moč i slava, na věky věkov. Amin.

Iztočniky