Medefaidrin
| Medefaidrin |
|---|
| instantia de: lingua[*], glossolalia, lingua artificial, sacred language[*], constructed writing system[*] |
 |
|
|
| Commons: Medefaidrin language |
Medefaidrin (Medefidrin), o Obɛri Ɔkaimɛ, es un lingua construite e scriptura create como lingua sacre christian per un congregation Ibibio in Nigeria del annos 1930. Illo ha su radices in glossolalia ('parlar in linguas').
Historia
[modificar | modificar fonte]Le parlantes considera Medefaidrin un 'lingua de spirito'. Illo esseva create per duo dirigentes del ecclesia, Michael Ukpong e Akpan Akpan Udofia. Illes declara que le Spirito Sancte revelava le parolas del lingua a Ukpong, durante que Udofia les scribeva. Al tempore, Ibibio non esseva un lingua scribite, e Udofia creava un scriptura pro scriber Medefaidrin.
Post finalisar le lingua in 1936, membros del ecclesia comenciava un schola in le qual infantes esseva instruite in Medefaidrin. Isto non esseva tolerate per le governamento colonial britannic, que claudeva le schola in le mesme anno. Nonobstante, le lingua continuava a esser usate pro activitates ecclesiastic, includente liturgia e hymnos, e pro litteras e contractos scribite inter membros. Le lingua declinava in uso, ma in 1986 Udofia comenciava a inseniar lo de novo in le schola dominic del ecclesia in Ididep. Manuscritos ancian in le scriptura es in condition povre, e in le seculo 21 il ha habite alcun effortio pro preservar los.
Phonologia
[modificar | modificar fonte]Medefaidrin es un lingua accentuate per stress e non tonal, ben que isto pote cambiar sub influentia ibibio. A differentia del ibibio, il ha plure gruppos consonantic in Medefaidrin, multe del quales non existe in anglese.
Systema de scriptura
[modificar | modificar fonte]Patrono:Infobox writing system
Le scriptura ha litteras majuscule e minuscule como le alphabeto anglese,[1] ma le litteras esseva inventate e il non ha un relation systematic inter glyphe e sono. Il ha un numero de digraphos arbitrarie, cuje pronunciation non pote esser determinate ex lor litteras componente, de novo como in anglese.
Unicode
[modificar | modificar fonte]Le scriptura Medefaidrin esseva addite al standard Unicode in junio 2018 con le publication del version 11.0.
Le bloco Unicode pro Medefaidrin es U+16E40–U+16E9F e contine 91 characteres:[2]
Grammatica
[modificar | modificar fonte]Structuralmente, le lingua es largemente un relexification del anglese, ben que le semantica es plus proxime al lingua native de su usatores, Ibibio. Le articulo definite es dei, e plure prepositiones allitera o rima con lor equivalentes anglese: su "a", fra "de", nai "per", kin "in". Le major parte del parolas, tamen, non resimila nihil in anglese o ibibio, ma pare haber essite create sin un systema subjacente specific. Le morphologia non es multo disveloppate, ma alcun elementos ha essite prendite del anglese, como le plural in -s (z?).
Numeros e datas
[modificar | modificar fonte]Le systema de numeration vigesimal e le calendario reflecte le normas ibibio. Le anno calendari contine dece-sex menses de quatro septimanas.[lower-alpha 1]
Vide etiam
[modificar | modificar fonte]- Lingua Eskayan e scriptura del Philippinas
- Lingua Ignota e scriptura de Germania
Notas
[modificar | modificar fonte]- ↑ Le septimana es reportate como consistente de octo dies, ma il non es clar si illo es 8 per le conto ibibio o anglese. Lo que es 2 dies ab ora in anglese es 3 dies ab ora in ibibio (con hodie contate inclusivemente como le prime die), de sorta que comenciar un nove septimana cata 8 dies quando pensar in ibibio significa cata 7 dies quando pensar in anglese.
Referentias
[modificar | modificar fonte]Bibliographia
[modificar | modificar fonte]- “The Oberi Okaime Christian Mission: Towards a History of an Ibibio Independent Church” (1989). Africa: Journal of the International African Institute 59 (4): 496–516. doi:. ISSN 0001-9720.
- “Obεri Ɔkaimε: A New African Language and Script” (10 de septembre 1947). Africa: Journal of the International African Institute 17 (1): 24–34. doi:. ISSN 0001-9720.
- “Medefaidrin: Resources documenting the birth and death language life-cycle” (2010). Proceedings of the Seventh Conference on International Language Resources and Evaluation (LREC'10). (Archivate 2016-03-04 al Wayback Machine)
- (2009) "Preserving and understanding the Medefaidrin language of the Obɛri Ɔkaimɛ ('Church freely given') Ibibio community" in World Congress of African Linguistics (WOCAL) 6..
- Hau, Kathleen (1961). “Oberi Okaime script, texts and counting systems”. Bulletin de l'Institut Français d'Afrique Noire. Série B, Sciences humaines 23: 291–308.
- Udofia, Akpan Akpan (1953). "Dictionary, transcriptions and translations of texts", Oberi Okaime Script, Texts and Counting System. Material relating to the Oberi Okaime language of southeastern Nigeria.
- Urua, Eno-Abasi (2008). "Medefidrin, the 'Spirit' language of the 1920s in Ibibio land", Critical Issues in the Study of Linguistics, Languages and Literatures in Nigeria: A Festshrift for Conrad Max Benedict Brann, Festschrift Series, 7.
