Kystverkmusea er etatsmuseet til Kystverket, etablert i 2008. Museet er organisert som eit samarbeid mellom Kystverket som statleg fagdirektorat og fem sjølvstendige museumsinstitusjonar: Lindesnes Fyrmuseum (Søraust), Jærmuseet (Vest), Stiftinga Viti (Midt-Noreg), Museum Nord (Nordland) og Museene for kystkultur og gjenreisning i Finnmark (Finnmark). Administrasjon og hovudkontor for Kystverkmusea ligg ved Lindesnes Fyrmuseum.
Kystverkmusea
Verksemd
Dei fem institusjonane i Kystverkmusea har heile Noreg som arbeidsområde og samarbeider om å formidle historia og kulturarven til Kystverket. Arbeidet til museet omfattar Kystverkets mange område og oppgåver, som fyr, hamner og kanalar. Det dekkjer òg losvirksomhet, seglingsmerke, moderne trafikkovervaking og beredskap knytt til miljø og tryggleik. Gjennom utstillingar, forsking og formidling belyser Kystverkmusea utviklinga av norsk infrastruktur langs kysten. Sidan 2014 har Lindesnes fyrmuseum eigd og drifta museumsskipet «M/S Gamle Oksøy» som blir brukt både i Noreg og utlandet. Skipet vart gjeve vernestatus av Riksantikvaren i 1997.
Les meir i Store norske leksikon
Eksterne lenker
Fagansvarleg for Museum
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må vere logga inn for å kommentere.