Remembrance Day
| Remembrance Day | |
|---|---|
 The poppy is worn aroond Poppy Day, bi tradeetion frae All Souls' Day (2 November) tae Remembrance Day (11 November), or tae Remembrance Sunday gin that faws later, in the Unitit Kinrick. | |
| Offeecial name | Remembrance Day |
| An aa called | Poppy Day |
| Observed bi | Maistly kintras o the Commonweel o Nations |
| Teep | International |
| Signeeficance | Minds the war deid |
| Observances | Parades, silences |
| Date | 11 November |
| Frequency | Ilka year |
| Relatit tae | Armistice Day, Remembrance Sunday |
Remembrance Day (kent as Poppy Day an aw, efter the tradeetion o wearin a remembrance poppy) is a memorial day observit in kintras that war ance pairt o the Breetish Empire, an in member states o the Commonweel, syne the end o the First Warld War, tae honour members o the airmed forces that hae deed in the line o duty.[1] The day is merkit wi war remembrances in a wheen o ither kintras ootwith the Commonweel an aw. In maist kintras, Remembrance Day is observit on 11 November tae mind the end o the fechtin in the First Warld War. The fechtin endit at the 11t oor o the 11t day o the 11t month o 1918, unner the Armistice signed bi representatives o Germany an the Entente atween 5:12 an 5:20 that mornin. ("The 11t oor" means the passin o the 11t oor, or 11:00 am.) The First Warld War endit formally wi the signin o the Treaty o Versailles on 28 Juin 1919.[2]
Remembrance Day grew oot o Armistice Day. The first Armistice Day wis held in the grunds o Buckingham Pailace on the mornin o 11 November 1919. Durin the Seicont Warld War, monie kintras chynged the nem o the day: member states o the Commonweel took on Remembrance Day, while the Unitit States chose Veterans Day.[3]
History
[eedit | edit soorce].jpg)
The day wis dedicatit bi King George V on 7 November 1919 as a day o remembrance for members o the airmed forces that war killt in the First Warld War. This wis mebbe done on the suggestion o Edward George Honey tae Wellesley Tudor Pole, that set up twa ceremonial periods o remembrance based on events in 1917.[4]
Observance
[eedit | edit soorce]The common Breetish, Canadian, Sooth African an Anzac tradeetion includes a ane- or twa-minute silence at the elevent oor o the elevent day o the elevent month (11:00 am, 11 November), as that merks the time (in the Unitit Kinrick) that the Armistice cam intae force.[5]
The Service o Remembrance in monie Commonweel kintras ordinarly includes the soondin o the "Last Post", follit bi the silence, an then "Reveille" or whiles juist "The Rouse". The service ends wi a readin o the "Ode of Remembrance". "Flowers of the Forest", "O Valiant Hearts", "I Vow to Thee, My Country" an "Jerusalem" are aften played at the service. Services include wreaths laid tae honour the fawen, blissins an naitional anthems an aw.[6]
Unitit Kinrick
[eedit | edit soorce].jpg)
Wreath-layin ceremonies, ordinarly organised bi local branches o the Royal British Legion, are held on Remembrance Day at maist war memorials athort the UK at 11 am on 11 November, wi twa meenits o silence. The custom haed lapsed afore a campaign tae bring it back stairtit in the early 1990s.[7] Monie employers an businesses ask thair staff an customers tae keep the twa meenits' silence at 11:00 am.[8]
The main observance in the Unitit Kinrick is Remembrance Sunday, held on the Sunday nearest 11 November. There is a Naitional Service o Remembrance in Lunnon, as weel as ither services an ceremonies roond the kintra.
The poppy
[eedit | edit soorce]The reid remembrance poppy haes come tae be a weel-kent emblem o Remembrance Day. The first lines o the First Warld War poem "In Flanders Fields" refer tae Flanders poppies growin amang the graves o war deid in a region o Belgium.[9] In Scotland, remembrance poppies are makkit an gien oot bi the Earl Haig Fund Scotland, or Poppyscotland.[10] The Scots poppy is a wee bit different frae the Royal British Legion's: it is curlt, wi fower petals an nae leaf. Poppies gien oot bi the Earl Haig Fund Scotland are makkit at Lady Haig's Poppy Factory in Embra. As o 2011, Poppyscotland wis said tae gie oot aboot five million poppies ilka year.[10]
References
[eedit | edit soorce]- ↑ "Remembrance Day and Remembrance Sunday in the UK: FAQs" (in Inglis). UK Parlilament. Retrieved 8 November 2026.
- ↑ "World War I Ended With the Treaty of Versailles". Library of Congress. Archived frae the original on 24 Juin 2016.
- ↑ Osborne, Samuel (11 November 2015). "Armistice Day, Remembrance Day and Veterans Day – what's the difference?". The Independent. Archived frae the original on 18 November 2018. Retrieved 18 November 2018.
- ↑ "The Remembrance Ceremony" (in Inglis). rsa.org.nz. Archived frae the original on 4 Juin 2010. Retrieved 11 November 2011.
- ↑ "Remembrance Day: What is it and how will 2020 be different?". BBC. 8 November 2020. Retrieved 10 November 2020.
- ↑ "A Guide to Commemorative Services – Veterans Affairs Canada". Veterans Affairs Canada. 1 October 2011. Archived frae the original on 9 Mairch 2013. Retrieved 11 November 2011.
- ↑ Hall, Robert (11 November 1999). "UK War dead remembered". BBC News. BBC. Retrieved 11 November 2011.
- ↑ "War dead remembered". BBC. 11 November 1999. Retrieved 11 November 2011.
- ↑ Fox, James (2014). "Poppy Politics: Remembrance of Things Present". In Sandis, Constantine (ed.). Cultural Heritage Ethics: Between Theory and Practice. Open Book Publishers. pp. 23–28. ISBN 978-1-78374-067-3.
- 1 2 Rahman, Rema (9 November 2011), "Who, What, Why: Which countries wear poppies?", BBC News website, British Broadcasting Corporation, archived frae the original on 28 October 2014, retrieved 5 November 2022
