Mosadi

Mosadi ke motho yo mogolo wa mosadi yo a welago go legoro le itšego. e kaba la pelego,bodulo,boleloko,mošomo, moo gantši le tswakantšhitšwego.

Mosadi ke motho yo a tshwarago thipa ka bogaleng,o na le nnete gammogo le sebete sa go lebagana le mathata ao a ka bago a le boima. Dimelo tšeo ga di bonwe goba go tsebiwa ke mang le mang, ka gore mosadi ga se motho yo a felago a bolela ka tšeo a kopanago le tšona.Mosadi ga nke a fela maatla, efela o lwela seo a se nyakago go fihlela a se hwetša,go swana le thuto goba lapa la gagwe. Ke motho yo a itshwerego gabotse le seriti goba tlhompho. Seo se dira gore bontši ba bona ba atlege bophelong.

Seswantšho se se bontšha Mosadi yo a šomago boima

Mosadi wa nnete o mmona ka kwelobotlhoko,kgotlelelo goba pelo ye telele gammogo le lerato. Ge o mo kwatišitše, o tla bona a go duliša fase gore le bolele ka taba yeo. Go kwešiša gore go kitimiša dilo ka nako ye nngwe o hlola diphošo le go itshola. O a idumelela gore a kwe botlhoko fela a tseba gore o tlo fenya. Ka go realo,o swanetšwe ke thekgo le lerato go tšwa go batho bao a phedišanago le bona. Ga a swanelwa ke go felelwa pelo.

Mosadi o kgona go lebagana le letšhogo,e fela o no tia go swana le matšatši a mangwe. Le ge a swanetšse go boifa, o no phelela go sega le go ikokobetša gobane o a kwešiša gore letšhogo le ya bolaya. Go rata go dula mo o leng botse ka nako tšohle. Go bonolo gore mosadi a bone seo se tshwenyago bana ba gagwe ka baka la bohlale bjo a bego le bona.