Sanmenxia
| Sanmenxia | |||
| byprefektur | |||
 | |||
| Land |  Folkerepublikken Kina | ||
|---|---|---|---|
| Areal | 9 935,74 km² | ||
| Folketal | 2 034 872 (2020)[1] | ||
 Sanmenxia 34°46′25″N 111°11′42″E / 34.77362°N 111.19497°E | |||
 Plasseringa av Sanmenxia-prefekturet i Henan.
| |||
| Wikimedia Commons: Sanmenxia | |||
Sanmenxia[a] er eit byprefektur lengst vest i provinsen Henan i det sentrale Kina. Byprefekturet har eit areal på 10 475 km² og hadde 2,23 millionar ibuarar i 2010. Sanmenxia ligg på sørsida av storelva Huang He.
Byprefekturet Sanmenxia omfattar eitt bydistrikt (区 qū), to byfylke (市 shì) og tre fylke (县 xiàn).
Næring
[endre | endre wikiteksten]I prefekturet ligg Sanmenxia-demninga, den øvste demninga i Huang He, bygt på 1950-talet. Vasskraftverket på staden har ein effekt på 2 870 megawatt. Av langt nyare dato er Sanmenxia kolkraftverk på 1 800 MW.
Samferdsle
[endre | endre wikiteksten]I Sanmenxia stansar toga på Longhaibanen, Kinas viktigaste jarnbanelinje i aust-vest-retning, som strekker seg frå Lianyungang til Lanzhou via mellom andre Xuzhou, Kaifeng, Zhengzhou, Weinan og Xi'an.
Kinas riksveg 209 går gjennom byprefekturet. Han byrjar i Hohhot i Indre Mongolia, kryssar gjennom provinsane Shanxi, Henan, Hubei, Hunan og endar opp i hamnebyen Beihai i Guangxi. Også Kinas riksveg 310 passerer gjennom området. Denne viktige trafikkåra tek til i Lianyungang i Jiangsu, fører så vestover og endar i Tianshui i provinsen Gansu. Ho er innom storbyar som Xuzhou, Shangqiu, Kaifeng, Zhengzhou, Luoyang og Xi'an.
Merknader
[endre | endre wikiteksten]- ↑ forenkla kinesisk 三门峡, tradisjonell kinesisk 三門峽, pinyin Sānménxiá
Kjelder
[endre | endre wikiteksten]- ↑ 国务院第七次全国人口普查领导小组办公室 (juli 2022). 中国人口普查分县资料—2020 (på kinesisk). Beijing: China Statistics Press. ISBN 978-7-5037-9772-9. Wikidata Q130368174.
- Denne artikkelen bygger på «Sanmenxia» frå Wikipedia på bokmål, den 8. januar 2013.
