တင်မောင်မြင့် (စာရေးဆရာ)

တင်မောင်မြင့်
အမည်ရင်း	တင်မောင်မြင့်
မွေးဖွား	၁၉ စက်တင်ဘာ ၁၉၃၆ စစ်ကျွန်းရွာ၊ ဟင်္သာတခရိုင်ဧရာဝတီတိုင်း
ကွယ်လွန်	ဇွန် ၁၈၊ ၂၀၂၆(2026-06-18) (အသက် ၈၉) ပင်လုံဆေးရုံ၊ ရန်ကုန်မြို့
အလုပ်အကိုင်	စာရေးဆရာ
လူမျိုး	ဗမာ
နိုင်ငံသား	မြန်မာ
စာပေအမျိုးအစား	ဘာသာပြန်
ရရှိသည့်ဆုများ	အမျိုးသားစာပေဆု ဘာသာပြန်၊သုတ (၂၀၀၁)၊ ဘာသာပြန်၊ရသ (၂၀၀၄) (၂၀၀၇)(၂၀၁၁)(၂၀၁၂)
မိဘ	ဦးမောင်ဒွေး + ဒေါ်ကျော့စိန်

စာရေးဆရာကြီး တင်မောင်မြင့် (၁၉ စက်တင်ဘာ ၁၉၃၆ - ၁၈ ဇွန် ၂၀၂၆) သည် မြန်မာ့စာပေလောကတွင် ထင်ရှားကျော်ကြားသော ဘာသာပြန်စာရေးဆရာတစ်ဦးဖြစ်သည်။ ဆရာကြီးသည် “ည” (Night)၊ “ပြစ်မှုနှင့်ပြစ်ဒဏ်” (Crime and Punishment) နှင့် “ငါ့ဒိန်ခဲကို ဘယ်သူနေရာရွှေ့သလဲ” (Who Moved My Cheese?) အပါအဝင် နိုင်ငံတကာ ထင်ရှားဝတ္ထုများကို မြန်မာဘာသာသို့ ပြန်ဆိုခဲ့ပြီး ဘာသာပြန်စာအုပ်ပေါင်း ၁၁၇ အုပ်ကျော် ထုတ်ဝေခဲ့သည်။ ဆရာကြီးသည် ဘာသာပြန်စာပေများအပြင် တက္ကသိုလ်နန္ဒမိတ်၊ မြတ်ငြိမ်းတို့နှင့် ပူးပေါင်းရေးသားသော “တစ်သိမ့်သိမ့်ဒွန် (ပေါင်းချုပ်)” စာအုပ်ဖြင့်လည်း ထင်ရှားသည်။

စာပေလောကတွင် အယ်ဒီတာအဖြစ် တာဝန်ထမ်းဆောင်ခဲ့ပြီး ၁၉၈၅ ခုနှစ်တွင် “သည်းဦးပန်း” မဂ္ဂဇင်း၏ အယ်ဒီတာအဖွဲ့ဝင်၊ ၁၉၈၈ ခုနှစ်တွင် “အထောက်တော်လှအောင်” သတင်းမဂ္ဂဇင်း၏ ဒုတိယအယ်ဒီတာချုပ်အဖြစ် ဆောင်ရွက်ခဲ့သည်။ ဆရာကြီးသည် သုတနှင့် ရသပိုင်းဆိုင်ရာ ဘာသာပြန်စာပေများစွာကို ရေးသားခဲ့ပြီး အမျိုးသားစာပေဆုကို ငါးကြိမ် (၂၀၀၁၊ ၂၀၀၄၊ ၂၀၀၇၊ ၂၀၁၁၊ ၂၀၁၂) ရရှိခဲ့ကာ ၂၀၁၈ ခုနှစ်တွင် အမျိုးသားစာပေ တစ်သက်တာဆုကိုလည်း ချီးမြှင့်ခံခဲ့ရသည်။ ဘာသာပြန်များအပြင် ပင်ကိုရေးစာများစာအုပ်ကို ၂၀၂၀ ပြည့်နှစ်တွင် ထုတ်ဝေခဲ့ပြီး မဂ္ဂဇင်းများ၌ ဖော်ပြခံခဲ့ရသော ပင်ကိုရေး ဝတ္ထုနှင့် ဆောင်းပါးများကိုလည်း စုစည်းထုတ်ဝေခဲ့သည်။ ဆရာကြီးသည် ကျောက်ကပ်ရောဂါဖြင့် ကုသမှုခံယူနေရစဉ် ၂၀၂၆ ခုနှစ်၊ ဇွန်လ ၁၈ ရက်နေ့တွင် ရန်ကုန်မြို့ ပင်လုံဆေးရုံ၌ အသက် ၉၀ နှစ်အရွယ်တွင် ကွယ်လွန်သွားရှာသည်။

ဘဝကြောင်း

စာရေးဆရာကြီး တင်မောင်မြင့်ကို အဖ ဦးမောင်ဒွေးနှင့် အမိ ဒေါ်ကျော့စိန်တို့က ၁၉၃၆ ခုနှစ်၊ စက်တင်ဘာလ ၁၉ ရက်နေ့တွင် ဟင်္သာတခရိုင် စစ်ကျွန်းရွာ၌ မွေးဖွားခဲ့သည်။ ငယ်စဉ်က ရန်ကုန်မြို့ ရေကျော် ဦးမောင်မောင် အလွတ်ပညာသင်ကျောင်းမှ အလယ်တန်းအောင်မြင်ပြီး တောင်ကြီးမြို့ အစိုးရအထက်တန်းကျောင်း (ယခု အထက်တန်းကျောင်း) မှ ၁၉၅၈ ခုနှစ်တွင် တက္ကသိုလ်ဝင်တန်းကို အောင်မြင်ခဲ့သည်။ ထို့နောက် ရန်ကုန်သက်ကြီးတက္ကသိုလ်တွင် ဆက်လက်ပညာသင်ကြားခဲ့သည်။ အလုပ်အကိုင်အားဖြင့် မော်ချီးမိုင်း၊ တောင်ကြီးမြို့ ပြည်သူ့ထောက်ပံ့ရေးဌာနနှင့် ရှမ်းပြည်နယ် ပညာမင်းကြီးရုံးတို့တွင် စာရင်းကိုင်၊ စာရေးအဆင့်ဆင့်ဖြင့် တာဝန်ထမ်းဆောင်ခဲ့ပြီး ၁၉၆၁ ခုနှစ်တွင် ဘီအိုစီကုမ္ပဏီ (ယခု MOGE) ၌ အလုပ်ဝင်ရောက်ကာ ၁၉၉၄ ခုနှစ်တွင် ငွေစာရင်းအရာရှိအဖြစ် တာဝန်ထမ်းဆောင်ပြီးနောက် အငြိမ်းစားယူခဲ့သည်။

ဆရာကြီးသည် ဘီအိုစီကုမ္ပဏီ၌ တာဝန်ထမ်းဆောင်နေစဉ်အတွင်း ဆရာမြတ်ငြိမ်းနှင့်အတူ Jonathan Black ၏ World Rapers ကို ဘာသာပြန်ဆိုရန် အခွင့်အရေးရရှိခဲ့သည်။ ရေနံမြေနယ်ပယ်များသို့ သွားရောက် တာဝန်ထမ်းဆောင်စဉ်အတွင်း အဆိုပါစာအုပ်၏ ပထမပိုင်းတစ်ဝက်ကို ဘာသာပြန်ဆိုပြီး ဒုတိယပိုင်းကို ဆရာမြတ်ငြိမ်းက ပြန်ဆိုကာ ၁၉၈၃ ခုနှစ်တွင် “ငွေကျွန်” ဟူသည့် ဘာသာပြန်စာပေလက်ရာ ပေါ်ထွက်လာခဲ့သည်။ ထိုစာမူနှင့်ပတ်သက်၍ Gone With the Wind အဆက် Scarlett ၏ အမှာစာ၌ ဆရာကြီးက ယင်းအကြောင်းကို ဖွင့်ဟရေးသားခဲ့ဖူးသည်။ ထို့နောက် ဆရာကြီးသည် ဘာသာပြန်စာအုပ်ပေါင်း ၁၀၀ ကျော်ကို ဆက်လက်ရေးသားထုတ်ဝေခဲ့သည်။

စာပေလောကတွင် အယ်ဒီတာအဖြစ် တာဝန်ထမ်းဆောင်ခဲ့ပြီး ၁၉၈၅ ခုနှစ်တွင် “သည်းဦးပန်း” မဂ္ဂဇင်း၏ အယ်ဒီတာအဖွဲ့ဝင်၊ ၁၉၈၈ ခုနှစ်တွင် “အထောက်တော်လှအောင်” သတင်းမဂ္ဂဇင်း၏ ဒုတိယအယ်ဒီတာချုပ်အဖြစ် ဆောင်ရွက်ခဲ့သည်။ ဆရာကြီးသည် သုတနှင့် ရသပိုင်းဆိုင်ရာ ဘာသာပြန်စာပေများစွာကို ရေးသားခဲ့ပြီး အမျိုးသားစာပေဆုကို ငါးကြိမ် (၂၀၀၁၊ ၂၀၀၄၊ ၂၀၀၇၊ ၂၀၁၁၊ ၂၀၁၂) ရရှိခဲ့ကာ ၂၀၁၈ ခုနှစ်တွင် အမျိုးသားစာပေ တစ်သက်တာဆုကိုလည်း ချီးမြှင့်ခံခဲ့ရသည်။ ထူးခြားမှုတစ်ရပ်မှာ ဆရာကြီးသည် ၂၀၁၁ ခုနှစ်တွင် ဘာသာပြန်(သုတ)ဖြင့် အမျိုးသားစာပေဆုကို ရရှိခဲ့ပြီး ယင်းနှစ်၌ပင် ဆရာမြတ်ငြိမ်းကလည်း ဘာသာပြန်(ရသ)ဖြင့် အမျိုးသားစာပေဆုကို တစ်နှစ်တည်း ရရှိခဲ့ခြင်းဖြစ်သည်။ ထို့ပြင် ၂၀၁၁ ခုနှစ်သည် မြန်မာနိုင်ငံစာပေဆုသမိုင်းတွင် အမျိုးသားစာပေတစ်သက်တာဆုကို ပထမဆုံးအကြိမ် စတင်ချီးမြှင့်သည့်နှစ်လည်းဖြစ်ခဲ့ရာ ထိုနှစ်တွင် ဆရာကြီး ဦးလှကြိုင် (ပါရဂူ) ရရှိခဲ့ပြီး နောင်ဆယ့်ခုနစ်နှစ်အကြာ ၂၀၁၈ ခုနှစ်တွင် ဆရာကြီး တင်မောင်မြင့်ကိုယ်တိုင် အမျိုးသားစာပေ တစ်သက်တာဆုကို ဆွတ်ခူးရရှိခဲ့ခြင်းဖြစ်သည်။

ဘာသာပြန်များအပြင် ဆရာကြီးသည် ပင်ကိုရေးစာများစာအုပ်ကို ၂၀၂၀ ပြည့်နှစ်တွင် ထုတ်ဝေခဲ့ပြီး မဂ္ဂဇင်းများ၌ ဖော်ပြခံခဲ့ရသော ပင်ကိုရေးဝတ္ထုနှင့် ဆောင်းပါးများကိုလည်း စုစည်းထုတ်ဝေခဲ့သည်။

မြန်မာဘာသာသို့ ပြန်ဆိုခဲ့သည့် စာအုပ်များ

အောက်ပါစာအုပ်များကို မြန်မာဘာသာသို့ ပြန်ဆိုခဲ့သည်။

စဉ်	စာအုပ်အမည်	ထုတ်ဝေနှစ်	မူရင်းစာအုပ်အမည်	မူလ ရေးသားသူ	မှတ်ချက်
၁	ငွေကျွန်	၁၉၈၃	World Rapers	Jonathan Black	မြတ်ငြိမ်း နှင့် တွဲရေး
၂	သံယောဇဉ်ကမ်းခြေ	၁၉၈၃	Man on Fire	A. J. Quinnell
၃	ငယ်စာရင်းဝင်မို့	၁၉၈၃	Rendezvons	Evelyn Anthony
၄	အချစ်၏အခြားသော မျက်နှာစာ	၁၉၈၄	Not as a Stranger	Morton Thompson
၅	သံမဏိလိပ်ပြာ	၁၉၈၇	Philadeiphian	Richard Powell
၆	အရိပ်မဲ့ရုပ်ပုံလွှာ	၁၉၈၅	Snap Shot	A. J. Quinnell
၇	မဟာရံတံတိုင်းကို ဖြတ်ကျော်ခြင်း	၁၉၈၅	This Side of Glory	Gwan Bristow
၈	မေတ္တာရှာပုံတော်	၁၉၈၅	Where Love has Gone	Herold Robin
၉	တမ်းတတတ်သည်	၁၉၈၅	Remenberance	Dannielle Steel
၁၀	အချစ်များစွာနဲ့ပါ ဆရာ	၁၉၈၇	To Sir, With Love	E. R. Branthwaite
၁၁	နွေကန္တာ	၁၉၈၈	Deep Summer	Gwen Bristow
၁၂	မာနမီးလျှံ	၁၉၉၉	Body of Love	Charles Keats
၁၃	မဒမ်ကျူရီ	၂၀၀၁	Madame Curie	Eve Curie	၂၀၀၁ အမျိုးသားစာပေဆု (ဘာသာပြန်၊ သုတ)
၁၄	လေရဟတ်နီ	၂၀၀၄	Moulin Rouge	Pierre la Mure
၁၅	တောင်ပံမဲ့သင်းကွဲတေးဆိုငှက်	၂၀၀၄	To Kill a Mocking Bird	Harper Lee	၂၀၀၄ အမျိုးသားစာပေဆု (ဘာသာပြန်၊ ရသ)
၁၆	စကားလက်	၂၀၀၆	Scarlett	Alexandra Ripley
၁၇	စခန်းသိမ်းအောင်ပွဲ		Closing Ceremony	H. King
၁၈	ငွေတစ်မူးဖြင့် သိုက်တူးသူ		A Kiss Before Dying	Ira Levin
၁၉	လျှပ်စစ်မုန်တိုင်း		Ride the Thunder	Janet Daily
၂၀	ငွေရန်သူ		Money	P. L. Suliterzer
၂၁	သူ့အချစ်မျိုးဟာ		Brown Stone House	Rae Foley
၂၂	ဒီရေရိုင်းနှင့် မုန်တိုင်းနှင့်		Flood Tide	Frank Yerby
၂၃	အချစ်ဆုံး		Loving	Danielle Steel
၂၄	ချစ်လင်းရောင်ခြည်		A Patch of Blue	Elizabeth Kate
၂၅	ထာဝရ		Valentina	Evelyn Anthony
၂၆	မိုးမြေသိမ့်သိမ့်		Crash of 79	Paul Adam
၂၇	ကြွက်ကဲ့အရောင် ကြောင်ရဲ့အလား		Persian Ransom	Evelyn Anthony
၂၈	အချစ်ဝေဟင်		Illusion of Love	Cynthia Freeman
၂၉	ဒက်ဒီ		Daddy	Danielle Steel
၃၀	အရှေ့ယွန်းက နေဝန်းနီ		The Rising Sun	Michael Criton
၃၁	မုန်တိုင်းထန် ကမ်းခြေ		Siege of Silence	A. J. Quinell
၃၂	မုန်တိုင်းငှက်		The Eagle Has Flown	Jack Haggin
၃၃	မာနီ		Marni	Winston Graham
၃၄	သတင်းမုဆိုး		Modern Women	Ruth Harris
၃၅	လက်ထပ်ထိမ်းမြားခြင်း အနုပညာ		Happy Marriage	Andrie Mouris
၃၆	မြကတ္တီပါလမ်း		Handsome Road	Gwen Bristow
၃၇	လေထန်ပေမယ့် ပန်းမကြွေ		Selected Stories
၃၈	အရောင်များနှင့် စကားပြောခြင်း		Mary Cassette	Jone King
၃၉	ဒေ့ဒ်စ်ငရဲခန်းမှာ		Weeding Tears	Jean White
၄၀	ငါ့ဒိန်ခဲကို ဘယ်သူနေရာရွေ့သလဲ		Who Moved My Cheese	Spencer Johnson
၄၁	တိမ်ပေါ်မှာ လမ်းလျှောက်		Children of Dust	Clancy Charlie
၄၂	အနက်ရောင်အိပ်မက် စိမ်းမြမေတ္တာ	၂၀၀၇	A Place for Kathy	Henry Danker	၂၀၀၇ အမျိုးသားစာပေဆု (ဘာသာပြန်၊ ရသ)
၄၃	ဘီလျံနာလို တွေးပါ		Think Like a Billionaire	Donald Trump
၄၄	ဝံပုလွေနှင့် အခြားဝတ္ထုတိုများ		Selected Stories	Anton Chekhov
၄၅	ကမ္ဘာကျော်ပုံရိပ်များ		Great People	Reader's Digest
၄၆	အတိတ်ခြေရာ		Selected Stories
၄၇	ည		Night	Elie Wiesel
၄၈	သမ္မတ၏ မဟေသီ		The President's Lady	Iving Stone
၄၉	ဆီးကျိတ်		Prostrate
၅၀	လယ်ရီကင်း၏ လယ်ရီကင်း		Larry King	Larry King
၅၁	မာတင် လူသာကင်း		Martin Luther King	Scott King
၅၂	ရောင်းချခြင်း အတတ်ပညာ		What Mom Teach Me
၅၃	အန်နာ ကာရနီနာ		Anna Karinnina	Leo Tolstoy
၅၄	ပြစ်မှုနှင့် ပြစ်ဒဏ်	၂၀၁၂	Crime & Punishment	Dostoevsky	၂၀၁၂ အမျိုးသားစာပေဆု (ဘာသာပြန်၊ ရသ)
၅၅	ပွင့်ဦးနှင့် အခြားဝတ္ထုတိုများ		Episode and Other Stories
၅၆	လေဟုန်စီး၍		The Boy Who	Kamkwamba
၅၇	မျှော်	၂၀၁၁	Waiting	Ha Jin	၂၀၁၁ အမျိုးသားစာပေဆု (ဘာသာပြန်၊ ရသ)
၅၈	လမ်းဘေးရှေ့နေ		Street Lawyer	John Grisham
၅၉	အမတရှာပုံတော်		Chasing Life	Dr Sunjay Gupta
၆၀	မမရေချယ်		My Cousin, Rachel	Du Maurier
၆၁	လူငယ်များအတွက် ဒိန်ခဲ		Who Moved My Cheese (for Teens)	Spencer Johnson
၆၂	ကြယ်ကြွေရာနောက်သို့		Partner	John Grisham
၆၃	နိဂုံး၏ အဓိပ္ပာယ်		The Sense of an Ending	Julian Barnes
၆၄	ကန်သာရေရိပ်မှာ		In the Pond	Ha Jin
၆၅	ဥစ္စာဓန၏ ကိုယ်ရည်ကိုယ်သွေး		Why We Want You to Be Rich	Donald Trump
၆၆	သွေးအေးအေးဖြင့်		In Cold Blood	Trueman Kapote
၆၇	အင်ပရက်ရှင်းနစ်ခေတ်ဦး		Impressionists	Guy Jenning
၆၈	တိုက်ပွဲဝင်မေမေ		The Fight to Free My Son	Peter Edwards
၆၉	မိစ္ဆာဝင်္ကပါ		Les Miserables	Victor Hugo
၇၀	တစ်မိုးအောက်တစ်ယောက်		Man of Montmartre	Stephen & Ethel Longstreet
၇၁	မြိုင်သာယာသို့ အပြန်		The Road to Tara	Anne Edwards
၇၂	ကျောင်းတုန်းက သူငယ်ချင်းတွေ		Friends Forever	Danielle Steel
၇၃	မေတ္တာဝင်္ကပါ		The Hunchback of Natre Dame	Victor Hugo
၇၄	ဂျင်မီယင်		Crusader for Man	John Hersey
၇၅	ဂန္ဓာနှင့် အခြားဝတ္ထုများ		The Chrysanthemums and Other Stories
၇၆	ကျွန်မနာမည် မာလာလာ		I'm Malala	Malala Yousafzai & Christina Lamb
၇၇	ထိုအနမ်းနှင့် အခြားဝတ္ထုတိုများ		The Kiss and Other Stories	Aton Chekhov
၇၈	ပြန်ပေး		Kidnapped	R. L. Stevenson
၇၉	သူရဲကောင်းသုံးယောက်		Three Musketeers	Alexander Dumas
၈၀	ကျိန်စာသင့်အတိတ် ချစ်ဆိပ်ရည်ချို		The Reader	Bernhard Schlink
၈၁	ဥရောပသမိုင်း မိတ်ဆက်		The Age of Europe	Paul Seaver
၈၂	မျှော်လင့်ချက်ကြီးစွာဖြင့်		The Great Expectation	Charles Dickens
၈၃	ဘဝအနှောင်		Of Human Bondage	W. Somerset Maugham
၈၄	တစ်ကမ္ဘာဆီ ဝေး		The Prime of Miss Brodie	Muriel Spark

ဘဝနိဂုံး

ဆရာကြီးသည် ကျောက်ကပ်ရောဂါဖြင့် ကုသမှုခံယူနေရစဉ် ၂၀၂၆ ခုနှစ်၊ ဇွန်လ ၁၈ ရက်နေ့တွင် ရန်ကုန်မြို့ ပင်လုံဆေးရုံ၌ အသက် ၉၀ နှစ်အရွယ်တွင် ကွယ်လွန်သွားခဲ့သည်။