Viz Media

Viz Media, LLC
	Трговската марка на компанијата од 2017 г.
Вид	подружница
Дејност	забава
Жанр	манга; аниме;
Основано	2 јули 1986; пред 40 години (како Viz, LLC)
Основач	Сеиџи Хорибучи
Седиште	1355 Market Street, Unit 200, Сан Франциско, Калифорнија, САД
Опслужувани подрачја	Северна Америка, Средна Америка, Јужна Америка, Океанија
Клучни личности	Кен Сасаки (претседател и CEO); Хидеми Фукухара (потпретседател);
Услуги	лиценцирање; издаваштво; пренос; телевизија;
Матично претпријатие	Shogakukan-Shueisha Productions/ShoPro
Одделенија	Viz Productions (филм и телевизија)
Мреж. место	viz.com

VIZ Media, LLC — американска компанија, издавач на манга и аниме. Седиштето се наоѓа во Сан Франциско, Калифорнија. Компанијата е основана по спојувањето на VIZ, LLC и ShoPro Entertainment. Сосопственици на VIZ се јапонските издавачки куќи Shogakukan и Shueisha, како и Shogakukan Productions (ShoPro), подружница на Shogakukan.

Името на компанијата потекнува од англискиот збор visual — визуелен, сликовен.

VIZ ја издава англиската верзија на шонен-списанието Shonen Jump и сопствено шоџо-списание Shojo Beat, кое излегува во тираж од приближно 35.000 примероци. Издадени се и неколку антологии (Animerica Extra и антологијата на манга за возрасни Pulp). Едно време излегувало и семрежното списание J-pop.com.

Списанија на VIZ

Animerica (затворено) — месечно списание со рецензии за аниме и манга, претежно за насловите што ги издавала VIZ Media. Првиот број излегол во ноември 1992 г., а во април 2005 г. било објавено дека Animerica повеќе нема да се издава редовно. Оттогаш, една верзија на списанието, со намален број страници, може бесплатно да се добие на аниме-фестивалите, додека друга верзија се објавува квартално и исто така бесплатно се дели во книжарниците Borders и Waldenbooks. Претплатата веќе не е достапна. Последниот редовен број излегол во јуни 2005 г.
Animerica Extra (затворено) — месечно списание за шоџо-манга, кое излегувало во Северна Америка од 1998 до 2004 г. Таму биле објавувани дела како Banana Fish, Fushigi Yuugi, Marionette Generation, Младата револуционерка Утена, Short Program, Steam Detectives, Video Girl Ai и X/1999.
Game On! USA (затворено)
Manga Vizion (затворено)
Pulp (затворено) — месечно списание со манга за возрасни, кое ги вклучувало делата Uzumaki, Cinderalla, Banana Fish, Bakune Young, Black & White, Dance Till Tomorrow, Heartbroken Angels и Voyeur. Се издавало од 1997 до 2002 г.
Shojo Beat (затворено)
Shonen Jump USA (затворено)

Наводи

↑ „About VIZ Media“. Viz Media. Архивирано од изворникот 4 април 2016. Посетено на 9 октомври 2016.

Надворешни врски

Матична страница

[owners-1] „About VIZ Media“. Viz Media. Архивирано од изворникот 4 април 2016. Посетено на 9 октомври 2016.

[1]