Сев (езеро)
| Сев (езеро) | |
|---|---|
.jpg) Поглед на езеро Сев од врвот на планината Мец Ишкханасар во Ерменија. | |
| Подрачје | Покраина Сјуник, Ерменија округ Лачин, Азербејџан |
| Координати | 39°35′53″N 46°13′54″E / 39.59806°N 46.23167°E |
| Најг. должина | 1,6 км |
| Најг. ширина | 1,2 км |
| Површина | 2 км2 |
| Прос. длабочина | 7,5 м |
| Зафатнина | 9 км3 |
| Надм. височина | 2,666 м |
 | |
Езерото Сев (ерменски: Սև լիճ, романизација: Sev lich; азербејџански: İşıqll Qaragöl; обете значат „Сјајно црно езеро“)[1] — езеро што се наоѓа на границата помеѓу Ерменија и Азербејџан. Поделено е помеѓу покраината Сјуник во Ерменија и округот Лачин во Азербејџан, при што најголемиот дел од езерото се наоѓа во Ерменија.
Топографија
[уреди | уреди извор]Езерото се наоѓа источно од планината Мец Ишкханасар на надморска височина од 2,666 метри и има површина од околу 2 км2.[1] Езерото е долго 1,6 км, широко 1.2 км и има максимална длабочина од 7,5 метри.[1] Водата е студена и бистра, а во езерото живеат севански пастрмки.[1] Водата од езерото се користи за наводнување.[1] Се наоѓа веднаш до помало езеро наречено Џанлих или Џинли.
Природен резерват
[уреди | уреди извор]Езерото Сев и околната област е заштитено природно подрачје наречено Природниот резерват на езерото Сев, во покраината Сјуник на источната падина на Мец Ишкханасар. Било повторно отворено во 2001 година на територијата на истоименото заштитено подрачје, создадено во 1987 година. Има површина од 240 хектари. Резерватот е создаден со цел да го зачува екосистемот на езерото Сев.
Граничната криза меѓу Ерменија и Азербејџан во 2021 година
[уреди | уреди извор]Езерото Сев и околината моментално се предмет на гранична криза меѓу Азербејџан и Ерменија. На 12 мај 2021 година, азербејџанските трупи навлегле околу 3,5 км на ерменска територија во близина на езерото и го окупирале блискиот врв Мец Ишкханасар.[2] Иако меѓународната граница меѓу Ерменија и Азербејџан никогаш не била формално обележана, картите од советската ера покажуваат дека поголемиот дел од езерото Сев е на ерменска територија, што значи дека каков било обид езерото да се опколи би претставувал инфилтрирање.[3] Конкретно, картата на Генералштабот на вооружените сили на СССР од 1975 година со број J-38-21 во размер 1:100 000 прикажува дека источниот, западниот и јужниот брег на езерото Сев се сместени на територијата на ерменската ССР, додека само дел од северниот брег на езерото, односно речиси 10% од езерото, се наоѓа во азербејџанската ССР.[4] Исто така, според картата, соседното помало езеро Џанлих (Џинли) е целосно на ерменска територија.[4]
Наводи
[уреди | уреди извор]- 1 2 3 4 5 Hakobyan, Tadevos Kh.; Melik-Bakhshyan, Stepan T.; Barseghyan, Hovhannes Kh. (1998). Հայաստանի և հարակից շրջանների տեղանունների բառարան [Dictionary of toponymy of Armenia and adjacent territories] (ерменски). 4. Yerevan: Yerevan State University Publishing House. стр. 584.
ՍԵՎ ԼԻՃ, Сев лич*, Sev lič, Կարագյոլ, Ղարագյոլ
- ↑ Kucera, Joshua (17 November 2021). „As Azerbaijan pushes advantage against Armenia, Russia's role again under scrutiny“. eurasianet.org (англиски). Посетено на 17 November 2021.
- ↑ Kucera, Joshua (14 May 2021). „Armenia and Azerbaijan in new border crisis“. eurasianet.org (англиски). Посетено на 15 May 2021.
- 1 2 „Soviet military map proves eastern, western and southern shores of Sev Lake unequivocally belong to Armenia“. Armenpress. 2021-05-18. Посетено на 2021-05-24.
Sev Lake with its eastern, western and southern shores is located in the territory of the Armenian SSR -
