Louvre
 Muzium Louvre enggau piramid ba Cour Napoléon | |
 | |
| Ditumbuhka | 10 Ogos 1793 |
|---|---|
| Palan | Musée du Louvre, 75001, Paris, Peranchis |
| Bansa | Muzium seni enggau palan besejarah |
| Pemesai koleksyen | 615,797 in 2019[1] (35,000 on display)[2] |
| Penemuai | 9.0 juta (2025)[3]
|
| Direktor | Christophe Leribault |
| Kurator | Marie-Laure de Rochebrune |
| Laman web | Official website  |
Louvre (Peranchis: Musée du Louvre [myze dy luvʁ] ) iya nya muzium seni nasional di Paris, Peranchis.[3] Iya bepalan ba Tebing Kanan Sungai Seine ba arrondissement (pelilih menua) ke-1 mengeri tu lalu endur sekeda asil seni Barat ke pemadu kanonik, nyengkaum Mona Lisa, Venus de Milo, enggau Winged Victory. Muzium tu bepalan ba ba Istana Louvre, asal iya digaga ba ujung kurun ke-12 ngagai ke-13 di baruh pegai Raja Philip II. Teda kubu Louvre Jeman Tengah bisi dipeda ba bilik baruh muzium nya. Ketegal pengerembai mengeri, kubu nya pengujung iya lenyau guna kena pengetan menua, lalu dalam taun 1546 Raja François I nukar iya nyadi palan pengentap pendiau keterubah raja Peranchis.[4]
Begunan nya digaga baru sereta ditambah mayuh kali ngambika nyadi Istana Louvre ke diatu. Dalam taun 1682, Raja Louis XIV milih Istana Versailles ungkup ruang bilik iya, ninggalka Louvre kelebih agi nyadi palan endur mandangka koleksyen diraja, nyengkaum, ari taun 1692, koleksyen ukir Gerika enggau Rom kelia.[5] Dalam taun 1692, begunan nya diuan Académie des Inscriptions et Belles-Lettres enggau Académie royale de peinture et de sculpture, ti dalam taun 1699 ngatur keterubah ari siri salon. Akademi nya mengkang ba Louvre pengelama 100 taun.[6] Maya Revolusyen Peranchis, Aum Besai Menua ngaga pemutus ngambika Louvre nyadi muzium endur mandangka asil menua nya. Istana enggau palan pemandang nya ditambah ba kurun ke-19 lalu sekali agi ba kurun ke-20.
Muzium tu dibuka kena 10 Ogos 1793 enggau pengawa pemandang 537 lukis, majoriti asil nya reta tengkira diraja enggau gerija ti dirampas. Ketegal penanggul struktur begunan nya, muzium nya ditutup ari taun 1796 nyentuk ngagai taun 1801. Koleksyen nya ditambahka ari baruh pegai Napoleon, pengudah Napoleon ngerumpak seni di Eropah, Ejip, enggau Siria, lalu muzium nya diberi nama baru Musée Napoléon, tang pengudah Napoleon ngelengka ke kuasa, mayuh asil ke dirampas bala soldadu iya dipulaika ngagai orang ke asal ngempu iya. Koleksyen tu ditambahka agi maya perintah Raja Louis XVIII enggau Raja Charles X, lalu maya Empayar Perancis Kedua muzium tu bulih 20,000 singkap. Pemegai udah mansang nengah pemeri enggau waris kenyau ari maya Republik Ketiga. Koleksyen tu dibagi ngagai lapan bengkah bagi: Utai Antik Ejip; Utai Antik Timur Semak; Utai Antik Gerika, Etruska enggau Rom; Seni Islam enggau; Ukir enggau; Seni Iyas enggau ; Utai Lukis enggau; Chelak.
Muzium Louvre ngundan kira-kira 500,000 iti objek[7] enggau mandangka 35,000 pengawa seni ba lapan opis kuratorial enggau lebih 60,600 m2 (652,000 ka2) diungkupka ngagai koleksyen meruan. Louvre bisi mantaika ukir, objets d’art, lukis, enggau utai ke ditemu arkeologi. Ba sebarang maya, kira-kira 38,000 iku objek ari prasejarah nyentuk ngagai kurun ke-21 benung dipandangka ba pemesai 72,735 m2 (782,910 ka2), nyadika iya muzium ti pemadu besai di dunya. Iya nerima 9.0 juta iku temuai ba taun 2025.[8] Iya dipadu nyadi muzium seni ke pemadu mayuh dilawa, sereta muzium ke pemadu mayuh dilawa ari sebarang kategori.
Kereban sanding
[edit | edit bunsu]- ↑ Penyalat nyebut: Tag
<ref>tidak sah; tiada teks disediakan bagi rujukan yang bernama "rapport2019" - ↑ "Louvre Museum". museums.eu.
- ↑ 3.0 3.1 Cheshire, Lee; Goukassian, Elena (March 31, 2026). "The world's 100 most visited art museums in 2025: new venues a big hit with visitors". The Art Newspaper. Archived from the original on 6 May 2026. Retrieved 2026-05-07.
- ↑ "Louvre Museum". Inexhibit. Archived from the original on 19 November 2018. Retrieved 15 October 2016.
- ↑ "Louvre Website – Chateau to Museum, 1672 and 1692". Louvre.fr. Archived from the original on 15 June 2011. Retrieved 21 August 2011.
- ↑ "Louvre Website – Chateau to Museum 1692". Louvre.fr. Archived from the original on 15 June 2011. Retrieved 21 August 2011.
- ↑ "Rapport d'activité 2022" (PDF). Louvre. Archived (PDF) from the original on 15 December 2023.
- ↑ france.info.fr
Laman web ke bukai
[edit | edit bunsu]
