Montes Saian

	Instancia de cordilleira
	Composto por Western Sayan (en)

Montes Saian
	Instancia de cordilleira
	Composto por Western Sayan (en)
Localización
	País Rusia; Imperio Ruso; Mongolia; Unión Soviética
	Continente Asia
	Coordenadas 53°15′07″N 94°58′28″L / 53.251944444444, 94.974444444444
Cifras e dimensións
	Altitude 3.492 m ; 1.087 m
	Punto máis alto 3.491 m Monkh Saridag (en)
VIAF
Fontes e ligazóns
VIAF
VIAF	315526632
Freebase	/m/0fw9x
	Descrito pola fonte Enciclopedia soviética armenia, volume 10 ; Páxina(s): 165 ; Encyclopædia Britannica ; Tema: 1911 Encyclopædia Britannica/Sayan Mountains (en) ; Pequeno dicionario enciclopédico de Brockhaus e Efron ; Tema: Q24742457 ; Dicionario Enciclopédico Brockhaus e Efron ; Tema: Q24496523 ; Dicionario Enciclopédico Granat ; Tema: Q134530825
	Wikidata C:Commons

Os montes Saian (en ruso: Саяны Saianii; en mongol: Соёны нуруу, Soyonï nurû; en túrquico antigo 𐰚𐰇𐰏𐰢𐰤, Kögmen durante o período dos Göktürks^[1]) é unha cordilleira no sur de Siberia, Rusia (concretamente na república dos Tuva) e o norte de Mongolia. No pasado, serviu como fronteira entre Mongolia e Rusia.^[2]

Os altos cumios e lagos fríos dos Saian dan altura aos ríos que chegan a un dos principais ríos de Siberia, o Ienisei, que flúe cara ao norte durante 3400 km ata o océano Ártico. É unha área protexida e illada, que se mantivo pechada pola Unión Soviética dende 1944.^[3]

Características

Orograficamente son o bordo norte da meseta situada ao noroeste de Mongolia, que a separa de Siberia. Coñécese pouco sobre a súa xeoloxía.

Mentres que a elevación xeral da área está entre os 2100 e os 2700 m de altura, algúns picos individuais, formados sobre todo por granito e lousas metamórficas, acadan máis de 3000 metros. Os principais pasos entre montañas están a alturas de 1800 e 2300 m sobre o nivel do mar, como Muztagh, a 2280 m; o paso mongol, a 1981 m; Tenghyz, a 2280 m e Obo-sarym a 1860 m.

Aos 92º E, o sistema está cortado polo río Bel-Kem, o alto Ienisei, e aos 106º, no seu extremo oriental, remata na depresión do Selenga-Orkhon. Dende o altiplano de Mongolia, o ascenso ás montañas é doado, mais dende as chairas de Siberia é máis escarpado, a pesar de que dende ese lado a cordilleira queda disfrazada por un cinto de serras subsidiarias de estilo alpino, como as Usinsk, Oia, Tunka, Kitoi e Bielaia.

Entre a abertura do Ienisei e o lago Kosso-gol, o sistema recibe o nome de Erghik-taiga.

A flora é en xeral pobre, aínda que nas rexións altas posúe importante bosques de lárices, piñeiros, xenebreiros e bidueiros, con rododendros e especies de Barberis e Ribes. As penas distribuídas na parte alta están cubertas de liques e musgos.

Ciencia

O obstervatorio solar de Saian está situado nestes montes (51°37′18″N 100°55′07″L / 51.62167, -100.91861) a unha altitude de 2000 metros.^[4]

Notas

↑ Bartold, V. V. (1935) 12 Vorlesungen uber die Geschichte der Turken Mittelasiens Deutsche Gesellschaft für Islamkunde, Berlin, p. 46, OCLC 3673071
↑ "Sayan Mountains". Consultado o 25-12-2006.
↑ "Tuva and Sayan Mountains". Geographic Bureau - Siberia and Pacific. Arquivado dende o orixinal o 26-11-2015. Consultado o 26-10-2006.
↑ "Sayan Solar Observatory". Institute of Solar-Terrestrial Physics, Academia Rusa das Ciencias - rama siberiana. Arquivado dende o orixinal o 30-04-2021. Consultado o 03-12-2016.

Véxase tamén

Ligazóns externas

[1] Bartold, V. V. (1935) 12 Vorlesungen uber die Geschichte der Turken Mittelasiens Deutsche Gesellschaft für Islamkunde, Berlin, p. 46, OCLC 3673071

[2] "Sayan Mountains". Consultado o 25-12-2006.

[3] "Tuva and Sayan Mountains". Geographic Bureau - Siberia and Pacific. Arquivado dende o orixinal o 26-11-2015. Consultado o 26-10-2006.

[4] "Sayan Solar Observatory". Institute of Solar-Terrestrial Physics, Academia Rusa das Ciencias - rama siberiana. Arquivado dende o orixinal o 30-04-2021. Consultado o 03-12-2016.

[1]

[2]

[3]

[4]