Carole King

Carole King
Persona informo
Carole King
Naskonomo	Carol Joan Klein
Naskiĝo	9-an de februaro 1942 (1942-02-09) (84-jaraĝa) en Manhatano
Etno	judoj vd
Lingvoj	angla vd
Ŝtataneco	Usono vd
Alma mater	Queens College James Madison High School (en) vd
Subskribo
Familio
Edz(in)o	Gerry Goffin (1959–1968) vd
Infanoj	Louise Goffin (en) vd
Profesio
Alia nomo	Carole King vd
Okupo	kantaŭtoro • voĉaktoro • filmaktoro • diskografa artisto • kantoverkisto • bandestro • televida aktoro • komponisto • muzikisto • pianisto • aktoro • kantisto • Liedermacher vd
Laborkampo	komponado vd
Aktiva dum	1958– vd
Honorigoj Honorigoj (2021)  Fam-Salono kaj Muzeo de Rokenrolo (2015)  Premio Centro Kennedy (2014)  MusiCares Person of the Year (en) (2013)  Gershwin Prize (en) (2013)  Grammy Lifetime Achievement Award (en) (2011)  Premio Johnny Mercer (2004)  Grammy Trustees Award (en) (1990)  Fam-Salono kaj Muzeo de Rokenrolo  stelo sur la Trotuaro de famo en Holivudo vd
Membrecoj Membrecoj Goffin-King (en) vd
En TTT	Oficiala retejo vd
vd	Fonto: Vikidatumoj

Carole KING (naskita la 9-an de februaro 1942, kiel Carol Joan Klein en Manhatano, Novjorko) estas usona kantistino-kantverkisto kaj pianistino. Ŝi ankaŭ foje ludas gitaron en siaj koncertoj. Per sia albumo Tapestry, ŝi faris signifan kontribuon al la establado de la ĝenro de kantisto-kantverkisto. Ŝi ankaŭ estas unu el la plej sukcesaj kantverkistinoj en roko kaj popmuziko. Pli ol cent el ŝiaj kantoj atingis la Suprajn 100 de la usona Billboard-unuopaĵlisto.

Aktiva ekde 1958, King atingis grandan sukceson kaj kiel kantverkistino por aliaj kaj kiel soloa artistino. Ŝi estas la plej sukcesa ina kantverkistino de la dua duono de la 20-a jarcento en Usono, verkinte aŭ kunverkinte 118 popsukcesojn en la Billboard Hot 100. King ankaŭ verkis 61 sukcesojn, kiuj atingis la supron de la furorlisto en Britio, igante ŝin la plej sukcesa ina kantverkistino en la Brita Unuopaĵa Listo inter 1962 ĝis 2005.

Kune kun sia edzo, Gerry Goffin, ili verkis pli ol duodek furoraĵojn por diversaj artistoj en la 1960-aj jaroj kaj atingis solan sukceson en la fruaj 1970-aj jaroj, plej rimarkinde per sia albumo, Tapestry, kiu pintis la Billboard 200 dum 15 semajnoj kaj restis en la furorlisto dum pli ol ses jaroj.

Pli ol 400 el ŝiaj komponaĵoj estis registritaj de pli ol 1000 artistoj, rezultante en 100 furorkantoj. Ŝi ankaŭ publikigis kelkajn soloajn albumojn en sia mola popstilo. "Jazzman", unu el ŝiaj plej grandaj sukcesoj, estis prezentita en epizodo de la televidserio La Simpsonoj, kun Yeardley Smith provizanta la voĉon de Lisa Simpson.

Carole King havis kvin usonajn furordekajn unuopaĵojn, el kiuj du, "I Feel the Earth Move" (1971) kaj "It's Too Late" (1971), atingis la unuan lokon. Carole King, kvarfoja Grammy- premiito, estas enkondukita en tri Halojn de Famo: la Kantverkisto-Halon de Famo, la Rokenrolan Halon de Famo (kun Gerry Goffin), kaj la Hit Parade-Halon de Famo.

Eksteraj ligiloj

• Oficiala retejo
• Carole King On A&M Records
• Carole King ĉe Interreta filma datumbazo (angle)
• Carole King ĉe Internet Broadway Database (angle)
• Carole King at International Songwriters Association