Reginald Grey, 3ydd Barwn Grey de Ruthyn

Reginald Grey, 3ydd Barwn Grey de Ruthyn
Ganwyd	1362
Bu farw	30 Medi 1440
Galwedigaeth	llywodraethwr
Swydd	Arglwyddi'r Mers
Tad	Reginald Grey
Mam	Alianore Lestrange
Priod	Joan of Astley, Baroness Astley, Margaret de Ros
Plant	John Grey, Margaret Grey, Lady Bonville, Edward Grey, Elizabeth Grey, Robert Grey, Joan Grey, Elizabeth Grey, Eleanor Grey, John Grey, of Kempston
Llinach	Grey family

Uchelwr Seisnig a thirfeddiannwr yng Nghymru oedd Reginald Grey, 3ydd Barwn Grey de Ruthyn (c. 1362 – 30 Medi 1440). Mae'n fwyaf adnabyddus oherwydd ei gweryl gyda Thywysog Cymru, Owain Glyndŵr, a fu'n un o'r digwyddiadau a arweiniodd ar wrthryfel Owain.

Roedd yn fab hynaf Reginald Grey, 2il Farwn Grey de Ruthyn ac Alianore Le Strange o Blackmere. Hawliodd gyfran o diroedd Owain Glyn Dŵr, ond yn ystod teyrnasiad Rhisiart II, penderfynwyd yr achos o blaid Owain. Wedi i Harri IV gipio'r orsedd, ail-agorodd de Grey yr achos, gan fanteisio ar y ffaith ei fod yn ffafr y brenin. Dywed rhai ffynonellau fod de Grey wedi oedi gyrru gwŷs gan y brenin i Owain yn hawlio cymorth milwrol yn yr Alban. Erbyn i Owain dderbyn y wŷs, roedd yn rhy hwyr iddo ymateb.

Yn Ionawr 1402, cymerwyd de Grey yn garcharor gan Glyn Dŵr gerllaw Rhuthun. Yn ôl y Dictionary of National Biography (sy'n seiliedig ar Rotuli Parliamentorum cyf. iii, Foedera Rymer cyf. viii, ac Annales Henrici IV), telerau'r pridwerth oedd fod yn rhaid i deulu Grey dalu 6,000 marc o'r 10,000 cyfan i Dywysogaeth Cymru ar Ddydd Martin (Martinmas), sef 11 Tachwedd 1402, cyn y byddai Grey yn cael ei ryddhau – gyda'i fab hynaf yn aros yn wystl fel sicrwydd am y weddill yr arian. Felly, yn gyfangwbwl, bu raid i de Grey dalu cyfanswm o 10,000 o farciau am ei ryddid.

Pendefigaeth Lloegr
Rhagflaenydd: Reginald Grey	Barwn Grey de Ruthyn 1388–1440	Olynydd: Edmund Grey