Stolëca

Stolëca – gard bãdący sedzbą nôwëższich wëszëznów (króla, prezydenta, parlamentu, rządu, nôwëższégò sądu) dónégò państwa. Jednym z wëjimków òd ti reglë są Niderlandë, dze Amsterdam mô sztatus stolëcë państwa, le Haga je sedzbą parlamentu ë królewsczégò dwòru.

Mionã stolëcë òpisëje sã téż sedzbë môlowëch wëszëznów dlô mniészëch òbéńdnëch jednostków (wòjewództwów, stanów, prowincjów ëtd).

Ôrtë

Mómë 3 ôrtë stolëców:

stałé – historiczno ùstaloné (np. Rzim, Londin)
ùstanowioné – swiądno ùstaloné przez wëszëznë (Brasília w Brazylie, Warszawa ùstanowionô przez króla Pòlsczi Zygmùnda III)
pòdzeloné – wëszëznë ni mają sedzbë w jednym môlu, le w czile placach (Amsterdam ë Haga w Holandzce, Kapsztad (parlament), Bloemfontein (nôwëższi sąd) ë Pretoriô (rząd) w Pôłniowi Africe, Sucre ë La Paz w Bòliwii)