Camille Pissarro
Camille Pissarro (Charlotte Amalie, 10 di lugliu 1830 – Parighji, 13 nuvembri 1903) hè statu un pittore franco-danese. Naticu di l'isula di Saint Thomas, oghje in l'Isule Vergine Americane, ma tandu appartinente à l'Indie Occidentale Danese.
A so impurtanza risiede in u rolu fundamentale ch'ellu hà avutu tantu in u sviluppu di l'impressionismu chè di u pustimpressionismu. Pissarro hà studiatu cù grandi precursori, cum'è Gustave Courbet è Jean-Baptiste-Camille Corot.
In u 1873, hà aiutatu à fundà una sucità cullettiva di quindici artisti, diventendu a figura centrale di u gruppu impressionistu è incuraghjendu l'altri membri. Più tardi, hà travagliatu cù Georges Seurat è Paul Signac, mumentu induve ellu hà aduttatu u stile neoimpressionistu à 54 anni.
U storicu di l'arte John Rewald hà chjamatu Pissarro u decanu di i pittori impressionisti, micca solu per esse u più anzianu di u gruppu, ma dinò in virtù di a so sapienza è di a so persunalità equilibrata, calorosa è affabile.
Pissarro hè statu l'unicu artistu chì hà espostu in tutte l'ottu espusizioni impressioniste di Parigi, da u 1874 à u 1886. Ellu hà agitu cum'è una figura paterna micca solu per l'impressionisti, ma dinò per i quattru principali pustimpressionisti: Paul Cézanne, Georges Seurat, Paul Gauguin è Vincent van Gogh, sicondu u storicu di l'arte Patrick Baade.
'Ssu artìculu hè in custruzzione. Pudete cuntribuisce à a so redazzione.
