Alfred Stiqlitz

Alfred Stiqlitz
Alfred Stiqlitz
	ing. Alfred Stieglitz
Doğum tarixi	1 yanvar 1864[…]
Doğum yeri	Hoboken, Hadson, Nyu-Cersi, ABŞ;
Vəfat tarixi	13 iyul 1946[…] (82 yaşında)
Vəfat yeri	Manhetten, Nyu-York, ABŞ;
Vətəndaşlığı	ABŞ;
Janr	portret, peyzaj
Təhsili	Nyu-York Şəhər Kolleci,; Berlin Texniki Universiteti;
	Vikianbarda əlaqəli mediafayllar

Alfred Stiqlitz (ing. Alfred Stieglitz; 1 yanvar 1864^[1]^[2]^[…], Hoboken, Nyu-Cersi^[3]^[4] – 13 iyul 1946^[1]^[2]^[…], Manhetten, Nyu-York^[4]) — foto sənətinin müstəqil bir sənət kimi təsdiqinə böyük töhfə verən və onun estetikasının formalaşmasına təsir göstərən Amerika fotoqrafı.

Bioqrafiya

Manhettendə böyüyüb. 1881-ci ildə alman-yəhudi əsilli atası ailəsi ilə birlikdə Almaniyaya qayıtdıqdan sonra Alfred Berlin Texniki Universitetində təhsil almış, fotoqrafiya ilə maraqlanaraq Avropada səyahət etmişdir. ABŞ-yə qayıtdıqdan sonra fotoqrafiya sənətinə həsr olunmuş jurnallar nəşr etdirmişdir. 1902-ci ildə Nyu-York Milli İncəsənət Klubunda böyük uğur qazanan fotoşəkillər sərgisi təşkil etmişdir. Onun əsərləri ABŞ-nin aparıcı muzeylərinin kolleksiyalarına daxil edilmiş və rəssamların əsərləri ilə yanaşı nümayiş etdirilən ilk fotoqraflardan biri olmuşdur.

Edvard Steyhen, Klarens Vayt və Elvin Leqdonun da daxil olduğu "Photo-Secession" qrupunu yaratmış və ona rəhbərlik etmişdir. 1905–1917-ci illərdə 5-ci prospektdə yerləşən 291 qalereyasının direktoru olmuşdur. Burada Pol Sezan, Anri Matiss, Pablo Pikasso, Marsel Düşan və digər Avropa avanqard sənətçilərinin əsərlərini Amerika ictimaiyyətinə təqdim etmişdir. Britannika Ensiklopediyasının qeyd etdiyi kimi, Stiqlitz ABŞ-ni XX əsrin beynəlxalq sənət dünyasına yaxınlaşdıran əsas şəxslərdən biri olmuşdur.

1907-ci ildə çəkdiyi "The Steerage" fotoşəkili erkən fotoqrafik modernizmin ən məşhur və əhəmiyyətli əsərlərindən biri hesab olunur. Bununla belə, onun yaradıcılığı və üslubu sonrakı nəsil fotoqrafları, o cümlədən Pol Strand və F/64 qrupunun nümayəndələri tərəfindən tənqid edilmişdir.

Stiqlitz 1916-cı ildə Corciya O'Kifi ilə tanış olmuş, 1924-cü ildə onunla evlənmişdir. O, O'Kifinin təxminən 300 fotoşəklini çəkmişdir. Həmçinin Ansel Adams ilə dostluq və əməkdaşlıq etmişdir.

Mənbə

İstinadlar

1 2 3 4 Alfred Stieglitz (ing.). // Benezit Dictionary of Artists. 5 Oxford University Press. 2006. ISBN 978-0-19-977378-7. (İstifadə tarixi: 9 oktyabr 2017).
1 2 3 4 John Szarkowski. Alfred Stieglitz (ing.). // Encyclopædia Britannica. (İstifadə tarixi: 9 oktyabr 2017).
1 2 Union List of Artist Names (ing.).
1 2 3 4 Store norske leksikon (buk.). ISSN 2464-1480. (İstifadə tarixi: 16 oktyabr 2026).
↑ Museum of Modern Art online collection (ing.). (İstifadə tarixi: 4 dekabr 2019).

Xarici keçidlər

American Masters. Alfred Stieglitz Arxivləşdirilib 2018-06-23 at the Wayback Machine
Fotoqrafiya ustaları səhifəsi Arxivləşdirilib 2018-06-27 at the Wayback Machine
Online şəkillər Arxivləşdirilib 2009-03-31 at the Wayback Machine
Corc O'Keeff fotoşəkilləri, Stiqlitz işləri Arxivləşdirilib 2011-02-26 at the Wayback Machine
Bədii fotoqrafiya klassikası Alfred Stiqlitz^{[ölü keçid]}

[_e16543732313d9f6-1] 1 2 3 4 Alfred Stieglitz (ing.). // Benezit Dictionary of Artists. 5 Oxford University Press. 2006. ISBN 978-0-19-977378-7. (İstifadə tarixi: 9 oktyabr 2017).

[_da549b2d476f0ed6-2] 1 2 3 4 John Szarkowski. Alfred Stieglitz (ing.). // Encyclopædia Britannica. (İstifadə tarixi: 9 oktyabr 2017).

[_68c1aa6b04f974ce-3] 1 2 Union List of Artist Names (ing.).

[_39a8a5aaffbc0a77-4] 1 2 3 4 Store norske leksikon (buk.). ISSN 2464-1480. (İstifadə tarixi: 16 oktyabr 2026).

[_5c416e8f552a235f-5] Museum of Modern Art online collection (ing.). (İstifadə tarixi: 4 dekabr 2019).

[1]

[2]

[3]

[4]

[5]